ე.წ. მესაზღვრებმა 9 მაისს გორის მუნიციპალიტეტის სოფელ ქვეშის მკვიდრი კობა ხუბალაშვილი დააკავეს. ამის შესახებ ინფორმაცია „სპუტნიკ-ოსეტია“ ავრცელებს.

მედიასაშუალების იმფორმაციით, რუსმა სამხედროებმა საქართველოს მოქალაქე ე.წ. საზღვრის უკანონო გადაკვეთის ბრალდებით დააკავეს.

როგორც „სპუტნიკი“ წერს, ე.წ. მესაზღვრეების ინფორმაციით, საქართველოს მოქალაქეს არანაირი საბუთი არ გააჩნდა. აღსანიშნავია, რომ ეს ინფორმაცია მედიაში მხოლოდ დღეს გავრცელდა.

„ექსპრესნიუსის“ დეტალების გასარკვევად სახელმწიფო უსაფრთხოების სამსახურს დაუკავშირდა.

უწყებაში დაკავების ფაქტს ადასტურებენ და აცხადებენ, რომ აღნიშნული პირის გასათავისუფლებლად მუშაობა მიმდინარეობს.

"აღნიშნული პირი დაკავებულია ე.წ. საზღვრის უკანონო კვეთის ბრალდებით. ფაქტის შესახებ ინფორმირებულია ევროკავშირის სადამკვირვებლო მისია და საერთაშორისო ორგანიზაციები. აღნიშნული პირის გასათავისუფლებლად მიმდინაროებს მუშოაბა", - აცხადებენ სუს-ში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ

ირანმა კომერციული გემებისთვის ჰორმუზის სრუტის გახსნის შესახებ განაცხადა

კობახიძემ თქვა, რომ 2028 წლის არჩევნებს მოიგებს, მას შემდეგ რაც პარტიებს აკრძალავს

კობახიძე კვლავ იყენებს საპატრიარქოს სახელს ოპონენტებზე თავდასასხმელად