აეროპორტში მწეველებისთვის სპეციალური ოთახი გაკეთდება

2017-05-03 18:08:59, 1786 ნახვა

საზოგადოება

თამბაქოს კონტროლის შესახებ კანონპროექტის ინიციატორის გუგული მაღრაძის განცხადებით, აეროპორტში მოსაწევი ადგილი გაკეთდება.

როგორც მაღრაძემ პარლამენტის პლენარულ სხდომაზე ცვლილებების განხილვისას აღნიშნა, მთავრობის დადგენილებით განისაზღვრება, თუ რა ზომის უნდა იყოს მოსაწევი ოთახი, რომელიც აეროპორტში შეიქმნება.

„ყველა ცივილური ქვეყნის დახურულ ადგილებში მოწევა აკრძალულია, მოსაწევი ადგილები მხოლოდ ტრანზიტულია. მაგალითად, აეროპორტებში, რადგან აეროპორტებში თავს იყრიან ისეთი ადამიანები, რომლის ქვეყანაში შეიძლება არაა აკრძალული მოწევა და მას უნდა ჰქონდეს მოწევის საშუალება. ჩვენ ვუშვებთ ასეთი ტიპის სპეციალურ ადგილებს მაგალითად აეროპორტში. ამაზე ვიმსჯელეთ და 6 კვადრატული ამოღებული იქნება. მთავრობის დადგენილებით განისაზღვრება, რა ზომის უნდა იყოს ის მოსაწევი ოთახი, რომელიც აეროპორტში შეიქმნება“,-განმარტა გუგული მაღრაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან