პარლამენტთან შრომის დღესთან დაკავშირებით აქცია მიმდინარეობს

2017-05-01 16:04:01, 1581 ნახვა

საზოგადოება

პარლამენტთან შრომის დღესთან დაკავშირებით აქცია მიმდინარეობს.

აქციას პროფესიული კავშირების წარმომადგენლები, ბანკებისგან დაზარალებულები და "აუდიტორია 115"-ის წევრები მართავენ.

აქციის ორგანიზატორები სიტყვით გამოსვლისას ხელისუფლებას შრომითი ინსპექციის გაუმჯობესებისკენ მოუწოდებენ.

როგორც უმრავლესობის წევრმა ბექა ნაცვლიშვილმა აღნიშნა, პარლამენტში სხვადასხვა შრომით ორგანიზაციებთან ერთად, უკეთესი შრომის ინსპექციის ჩამოყალიბებისთვის მუშაობა მიმდინარეობს.

"ჩვენ სოციალ-დემოკრატები ყოველთვის თანამონაწილე ვართ ამ საპირველმაისო აქციის, რადგან სწორედ მშრომელთა უფლებები ეს არის ჩვენი მოძრაობის ძირითადი საფუძვლები. აქედან გამომდინარე, რა თქმა უნდა სოლიდარულები ვართ ამ მოძრაობის და ზოგადად პირველი მაისის. ასევე, ყველა იმ მშრომლის, რომელიც დღეს აქ არის ან შეიძლება აქ არ იყოს. ჩვენ ვმუშაობთ პარლამენტში სხვადასხვა ორგანიზაციებთან უკეთესი შრომის ინსპექციის ჩამოყალიბებისთვის, რომელიც ორიენტირებული იქნება შრომის უსაფრთხოების დაცვაზე. ჩვენ ვმუშაობთ ასევე 94 მუხლის კონსტიტუციიდან ამოღებაზე, რაც არის ეკონომიკური ფეოდალიზმის დამკვიდრების ერთ-ერთი საფუძველი", - განაცხადა ნაცვლიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან