2015-04-09 16:14:58, 563 ნახვა
საზოგადოება
ზუგდიდის გამგებელმა ვეტერანებს, მრავალშვილიან და სოციალურად დაუცველ ოჯახებს სააღდგომო საჩუქრები გადასცა
ზუგდიდის მუნიციპალიტეტის გამგებელმა ედიშერ თოლორაიამ, ზუგდიდის რაიონის მკვიდრებს, დიდი სამამულო ომის ვეტერანებს, მრავალშვილიან ოჯახებსა და სოციალურად დაუცველ ოჯახებს სააღდგომო საჩუქრები გადასცა.
როგორც „ექსპრესნიუსს“ ზუგდიდის გამგეობიდან აცნობეს, მუნიციპალიტეტის გამგეობამ სულ 140 ოჯახს მიართვა სააღდგომო ნობათი.
სასაჩუქრე პაკეტები შეადგებოდა ყველა იმ აუცილებელი პროდუქტისგან, რაც ოჯახებს სააღდგომოდ სჭირდება. სამამულო ომის ვეტერანებს კი მუნიციპალიტეტის გამგეობამ 500–500 ლარი საჩუქრად ანგარიშებზე ჩაურიცხა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
