პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა "ნაციონალური მოძრაობის' ბრალდებებიტან დაკავშირებით, პროკურატურას მიმართა. 

საუბარია პარტიის მიერ მისი შვილის შესახებ გავრცელებულ ინფორმაციაზე, რომლის თანახმადაც, 2015 წელს მომხდარი ავტომობილის ქურდობის საქმეზე სავარაუდო დამნაშავის თითის ანაბეჭდი დავით სესიაშვილის თითის ანბეჭდს ემთხვევა.

როგორც სესიაშვილმა ჟურნალისტებტან საუბარში აღნიშნა, სამართლებრივი რეაგირება უნდა მოყვეს იმ განცხადებას, რომელიც გუშინ „ნაციონალური მოძრაობის“ მხრიდან გაისმა.

სესიაშვილის ინფორმაციით, ის აღნიშნული საქმით დაინტერესდა და დეტალები მოიძია. 

"მივმართავ პროკურატურას, გამოიძიონ, საზოგადოებამ გაიგოს, რომ  ჩემს შვილს არ და ვერ ექნებოდა ამ ქურდობასთან კავშირი, მეორე მხრივ, სამართლებრივი რეაგირება მოახდინონ ამ ცრუ დასმენაზე. ბუნებრივია, რომ მანქანაზე სხვა ანაბეჭდებთან ერთად, დაფიქსირებულია ჩემი შვილის თითის ანაბეჭდები, რადგან ავტომობილის მეპატრონე მისი ბავშვობის მეგობარია. თუმცა, „ნაციონალური მოძრაობისთვის“ გაუგებარია ცნებები მეგობარი, ოჯახის ახლობელი. მათ უბრალოდ შეეშინდათ, მე როგორც პოლიტიკოს ვერ გამიბედეს და გადაწვდნენ ჩემს შვილს. მათ მოეთხოვებათ პასუხი ამ ცილისწამებაზე“, - აღნიშნა სესიაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მიგრაციის დეპარტამენტის თანამშრომლებმა უცხო ქვეყნის 84 მოქალაქე საქართველოდან გააძევეს

ევროკავშირის ანგარიშის გამოქვეყნებამდე, ბოჭორიშვილი ამ ანგარიშს არასერიოზულს და ტყუილს უწოდებს

ბოჭორიშვილი: შეხვედრა, რომელსაც ითვალისწინებს ევროკავშირის რეგულაცია, გაიმართება სამუშაო დონეზე და ქართული მხარის მოლოდინია, რომ იქნება კონსტრუქციული

ბაზისბანკი და საქართველოს უნივერსიტეტი წარმოგიდგენთ კიბერუსაფრთხოების საერთაშორისო ფესტივალს