ავღანეთში ამერიკის შეერთებული შტატების შეიარაღებული ძალების ხელმძღვანელის, გენერალ ჯონ ნიკოლსონის განცხადებით, რუსეთი მოძრაობა "თალიბანს" იარაღით ეხმარება, - ამის შესახებ Reuters იუწყება.

მედია საშუალების ინფორმაციით, აშშ-ის სამხედროები და პოლიტკოსები უკმაყოფილებას გამოთქვამენ თალიბანზე, რუსეთის "უარყოფითი გავლენის" გამო. 

​ამასთან, კითხვაზე უზრუნველყოფს თუ არა რუსეთი თალიბანისათვის იარაღის მიწოდებას ფართო მასშტაბებით, ნიკოლსონმა აღმიშნა, რომ ის ამას არ გულისხმობს. 

ოფიციალური მოსკოვი ვაშინგტონს ავღანეთში ჩატარებული პოლიტიკის გამო აკრიტიკებდა. რუსეთმა მეამბოხე ჯგუფისთვის რაიმე დახმარების აღმოჩენა უარყო. თუმცა, არ უარყო რომ ის მხარს უჭერს "თალიბანის ხელმძღვანელობას", რათა მშვიდობიანი მოლაპარაკებები დაიწყოს.

აშშ-ის სამხედრო მაღალჩინოსანმა, რომლის ვინაობაც ანონიმურობით დაცულია, განაცხადა, რომ რუსეთი "თალიბანს" ფულადი სახსრებითა და იარაღით ეხმარება, კონკრეტულად კი ავტომატებით. 

​მისივე თქმით, ბოლო 18 თვის განმავლობაში იარაღის მიწოდება დაჩქარდა. 

​აშშ-ის თავდაცვის მდივანმა ჯიმ მეთისმა, ავღანეთში ვიზიტისას აღნიშნა, რომ "თალიბანისათვის" იარაღის მოწოდება რომელიმე ქვეყნის მიერ, საერთაშორისო სამართლის დარღვევაა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს