რუსეთის სპეცსამსახურებმა პეტერბურგის მეტროპოლიტენში 3 აპრილს განხორციელებული ტერაქტის დამკვეთის ვინაობა დაადგინა, - ამის შესახებ "რია-ნოვოსტი" რუსეთის უსაფრთხოების ფედერალური სამსახურის (ФСБ) დირექტორზე, ალექსანდრ ბორტნიკოვზე დაყრდნობით იუწყება.

მედია საშუალების ინფორმაციით, ბორტნიკოვი დეტალებზე არ საუბრობს, თუმცა ამტკიცებს, რომ გამოძიება გრძელდება.

"ფაქტობრივად ვინაობა დადგენილია" - აღნიშნა ბორტნიკოვმა.

ცნობისთვის, 6 აპრილს პეტერბურგის მეტროპოლიტენში მომხდარ აფეთქებაში ეჭვმიტანილი 8 პირი დააკავეს. 

ამასთან, 18 აპრილს მოსკოვში სამართალდამცველებმა პეტერბურგის მეტროპოლიტენში განხორციელებული ტერაქტის სავარაუდო ორგანიზატორი აბრორ აზიმოვი დააკავეს. 

შეგახსენებთ, რომ 3 აპრილს პეტერბურგის მეტროში აფეთქებას 15 ადამიანის სიცოცხლე ემსხვერპლა, 50 მგზავრი კი დაშავდა. რუსეთის ხელისუფლებამ მომხდარს ტერაქტის კვალიფიკაცია მიანიჭა. პასუხისმგებლობა მომხდარზე ჯერ არცერთ ტერორისტულ დაჯგუფებას არ აუღია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ

თეთრი სახლი: აშშ ირანის მხრიდან გარკვეულ პროგრესს აღნიშნავს

25 აპრილს, ილია II-ის გარდაცვალებიდან 40 დღე სრულდება - სიონის ტაძარში წირვას აღავლენენ

პოლიციამ ლაზარე გრიგორიადისი დააკავა