„თავისუფალი დემოკრატების“ წევრის შალვა შავგულიძის განცხადებით, არსებობს წითელი ხაზები, რომლის დარღვევის შემთხვევაში,  არ აიღებენ პასუხისმგებლობას დამაზიანებელ საკონსტიტუციო პროექტზე და ეს პოზიცია ყველა ოპოზიციურ პარტიასთან თანხვედრაშია.

„ეს არის საარჩევნო სისტემის საკითხი,  პრეზიდენტის არჩევის წესი, მისი უფლებამოსილების საკითხი, ასევე სხვა საკითხებიც, მაგრამ მე ვთქვი, წითელი ხაზები,  რომელიც ყველასთვის საერთოა, და ასეთ შემთხვევაში დაველოდებით საბოლოო დრაფტს", - აღნიშნა შავგულიძემ.

მისივე განმარტებით, თუ მაინც არ იქნება გათვალისწინებული განსხვავებული პოზიციები და "ხელისუფლებამ ჯიუტად შეინარჩუნა ეს სისტემა  და პრეზიდენტის არჩევის ასეთი წესი", სავარაუდოდ,   ყველა ოპოზიციური პარტია ,  კომისიას დატოვებს.

"კომისია შეიქმნა იმისთვის, რომ სწორედ განსხვავებული პოლიტიკური ძალების კონსესუსის შედეგად მომხდარიყო შეჯერება პროექტზე, მაგრამ ვიღებთ შედეგს, რომ "ქართულ ოცნებას" იმთავითვე რაც ჰქონდა გადაწყვეტილი, მხოლოდ იმ ცვლილებების გატარებას აპირებს. პასუხისმგებლობის აღება ამ დამაზიანებელ ცვლილებებზე, რომელსაც გაატარებს "ქართული ოცნება" კონსტიტუციაში, მოუწევს მხოლოდ "ქართულ ოცნებას", - განაცხადა შალვა შავგულიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რატომ ასამარებს ივანიშვილის რეჟიმი საქართველოს განათლების მყიფე რეპუტაციას, ბარიერები უცხოელი სტუდენტებისთვის

ივანიშვილის პარლამენტში თავისუფალი და კრიტიკული მედიის და ჟურნალისტების აკრედიტაცია შეუძლებელი ხდება

ცხინვალის დე ფაქტო პრემიერ-მინისტრმა თანამდებობა დატოვა.

ბოჭორიშვილი - საქართველოს ტერიტორიის ოკუპაცია მთელი რეგიონისთვის უსაფრთხოების გამოწვევას წარმოადგენს