„ჩვენი მიზანია, რომ პროფესიული განათლება იყოს პრესტიჟული,  ინკლუზიური და  ხელმისაწვდომი ქვეყნის მასშტაბით არამხოლოდ ახალგაზრდებისთვის, არამედ  ყველა თაობის  წარმომადგენლებისთვის“,-ამის შესახებ განათლებისა და მეცნიერების კომიტეტის თავმჯდომარემ მარიამ ჯაშმა პარლამენტის პლენარულ სხდომაზე განაცხადა.

დეპუტატის თქმით,  პროფესიული განათლება უნდა პასუხობდეს შრომის  ბაზრის მუდმივად ცვალებად მოთხოვნებს, რაც პირდაპირ აისახება დასაქმების  უკეთეს მაჩვენებლებში.

„2013 წლიდან დაიწყო პროფესიული სასწავლებლების   გზების გაძლიერება  რეგიონში, მას შემდეგ რაც წლების განმავლობაში ნადგურდებოდა  არსებული ინფრასტრუქტურა.  დღეს პროფესიული განათლება ხორციელდება ქვეყნის მასშტაბით  23 სახელმწიფო კოლეჯში , 14 სახელმწიფო უმაღლეს სასწავლებელში, პილოტურად აგარის საჯარო სკოლაში  და 80-მდე კერძო კოლეჯში. მთლიანად განახლდა ყველა არსებული სახელმწიფო პროფესიული კოლეჯის ინფრასტრუქტურა. განსაკუთრებით მინდა აღვნიშნო, რომ 130 წლის ისტორიულად  უმნიშვნელოვანესი კოლეჯი, რომელიც ილია წინამძღვრიშვილის მიერ 1883 წელს იყო  დაარსებული და რომელიც ლიკვიდირებული  იყო 2010 წელს  განახლდა და მან მიიღო სტუდენტების  პირველი ნაკადი 2016 წელს“,-განაცხადა ჯაშმა.

მისივე თქმით, პროფესიულ საქმიანობაზე დაფუძნებული დუალური პროგრამები ინერგება.

„ამერიკის შეერთებული შტატების, გერმანიის, ნორვეგიის, მთავრობების ერთობლივი  თანამშრომლობითი პროგრამებით, ასევე ევროკავშირის პროგრამებით ჩვენ ვახორციელებთ ინოვაციურ მიდგომებს განათლების სამინისტროს კოორდინაციით,  და ასევე ინერგება პროფესიულ საქმიანობაზე დაფუძნებული დუალური  პროგრამები. ასევე აღვნიშნავ, რომ ხელმისაწვდომი გახდა პროფესიული  გახდა ეთნიკური უმცირესობისთვის, დღეს უკვე აზერბაიჯანულ, სომხურ და რუსულ ენებზე  ხდება ჩასარიცხი  გამოცდების ჩაბარება.

11 ათასზე მეტი სტუდენტი, ყოვეწლიურად სტუდენტების მზარდი რიცხვი და  23%-ით საშუალოდ გაზრდილი დასაქმების მაჩვენებელი. ეს არის შედეგი, რომელიც ბოლო ორი წლის მანძილზე ფიქსირდება. რჩება გამოწვევები, ჩვენი მიზანია, რომ პროფესიულ  განათლებაში ბევრად უფრო მეტი სტუდენტი ჩაერთოს , პროფესიული განათლების გვაქვს შესაძლებლობა ასი ათასი ადამიანი დავასაქმოთ“,-აღნიშნა ჯაშმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის