საქართველოს შს მინისტრმა გიორგი მღებრიშვილმა და ლატვიის რესპუბლიკის შს მინისტრმა რიჰარდს კოზლოვსკისიმ ხელი მოაწერეს ოქმს „საქართველოს შინაგან საქმეთა სამინისტროსა და ლატვიის რესპუბლიკის შინაგან საქმეთა სამინისტროს შორის სასაზღვრო სფეროში თანამშრომლობის შესახებ“ შეთანხმებაში ცვლილებების შეტანის თაობაზე.

ხელმოწერის ცერემონია საქართველოს პრეზიდენტის სასახლეში გაიმართა.

შსს-ს ინფორმაციით, აღნიშნული ცვლილებებით, ორ ქვეყანას შორის სასაზღვრო სფეროში თანამშრომლობა კიდევ უფრო მრავალმხრივი და მასშტაბური ხდება.

შსს-ს სასაზღვრო პოლიციისა და საპატრულო პოლიციის დეპარტამენტის გარდა, საქართველოს შსს-ში მიგრაციის დეპარტამენტის შექმნისა და მიგრაციის სფეროში მხარეებს შორის თანამშრომლობის გაღრმავების პრიორიტეტიდან გამომდინარე, შეთანხმება მიგრაციის სფეროსაც მოიცავს.

ცვლილებების ოქმი ითვალისწინებს: გამოცდილების გაზიარებას არალეგალური იმიგრანტების გამოვლენის, განთავსებისა და გაძევების სფეროში; ტრენინგების ჩატარებას როგორც მესაზღვრეთა, ასევე, შსს-ს სხვა მოსამსახურეთა პროფესიული დონის ამაღლების მიზნით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა