თბილისის საქალაქო სასამართლოში დღეს დეკანოზ გიორგი მამალაძის საქმეზე პროცესი გაიმართება. სასამართლომ პროკურატურის შუამდგომლობაზე უნდა იმსჯელოს. სახელმწიფო ბრალდება მამალაძის საქმეზე წინასასამართლო სხდომის  1 თვით გადადებას მოითხოვს. აღნიშნულის მიზეზად ექსპერტიზის დასკვნის დაგვიანებას ასახელებს. წინასასამართლო პროცესი მიმდინარე წლის 5 აპრილს იყო ჩანიშნული. თავის მხრივ, დაცვის მხარე  დღევანდელ პროცესზე მამალაძისთვის აღკვეთის ღონისძიების- პატიმრობის შეცვლის შუამდგომლობას დააყენებს.

შეგახსენებთ, დეკანოზი გიორგი მამალაძე პროკურატურის თანამშრომლებმა მკვლელობის მომზადების ფაქტზე ბრალდებულის სახით 10 თებერვალს დააკავეს. 12 თებერვალს საქართველოს პროკურატურის შუამდგომლობის საფუძველზე თბილისის საქალაქო სასამართლოს განჩინებით გიორგი მამალაძეს აღკვეთის ღონისძიების სახით პატიმრობა შეეფარდა. იგი რუსთავის მე-6 პენიტენციურ დაწესებულებაში იმყოფებოდა, შემდეგ კი, ე.წ. მატროსოვის ციხეში გადაიყვანეს. დეკანოზი წარდგენილ ბრალს არ აღიარებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა