საერთაშორისოდ აღიარებულმა ორგანიზაციებმა  Efma და SAP თიბისი ბანკის მობაილბანკი საუკეთესოდ დაასახელეს  მცირე და საშუალო ბიზნესებისთვის.  თიბისი ბანკის მობაილბანკმა მეორე ადგილი ბაზრისა და მედიის მხრიდან აღიარებისთვის მოიპოვა, როგორც საუკეთესო მობაილბანკი  IOS და Android აპლიკაციებისთვის. გარდა ამისა, თიბისი ბანკის მობაილბანკს   Efma-სა და  SAP-ის სპეციალური პრიზიც გადაეცა.

ავტორიტეტულმა საერთაშორისო ორგანიზაციებმა Efma და  SAP დაჯილდოება ერთობლივად წელს პირველად   გამართეს. მობაილაპლიკაციების კონკურსში მონაწილეობას მსოფლიო მასშტაბით  42 ინსიტუტის 43 აპლიკაცია იღებდა.  გადაწყვეტილება პროფესიონალებისგან დაკომპლექტებულმა  ჟიურის წევრებმა მიიღეს, რომელთა შემადგენლობაში ბანკირები, მეწარმეები  და მედიის წარმომადგენლები შედიოდნენ.  ჟიურის წევრებს ერთი თვის განმავლობაში უნდა გაეტესტათ და შეეფასებინათ ფინანსური ინსტიტუტების ბიზნესაპლიკაციები.

გამარჯვებული ფინანსური ინსტიტუტების მობაილბანკი შემდეგი კრიტერიუმების მიხედვით შეირჩა: ფუნქციონალი, დიზაინი, მომხმარებლის კმაყოფილება და მობაილბანკის პოტენციალი.

Efma საერთაშორისო არასამთავრობო ორგანიზაციაა, რომელიც ბანკებმა და სადაზღვევო კომპანიებმა 1971 წელს დაარსეს. ორგანიზაცია ბანკებსა და სადაზღვევო კომპანიებს აწვდის  ინდუსტრიის შესახებ ანალიტიკურ ინფორმაციას, რაც მათ სწორი გადაწყვეტილებების მიღებასა და ტრანსფორმაციაში ეხმარება. Efma-ში გაწევრიანებულია 3 300-ზე მეტი კომპანია, 130 ქვეყნიდან.

რაც შეეხება SAP-ს, ის პროგრამული უზრუნველყოფის მიმართულებით მსოფლიოში სიდიდით მესამე კომპანიაა.

დაჯილდოების ცერემონია მილანში,  მცირე და საშუალო ბიზნესის სამიტის ფარგლებში გაიმართა. 

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბიზნესის მოდული თიბისი კამპუსში - სივრცე მათთვის, ვისაც იდეების სჯერა

„ოქროს მოსამართლე“ ხახალევა თბილისში ცხოვრობს; რუსეთი მისი აქტივების კონფისკაციას ითხოვს

ყოფილი ცოლი არასრულწლოვანი შვილების თანდასწრებით სცემა, კაცი დააკავეს

პოლონეთის საგარეო უწყება აცხადებს, რომ ეთერში ქართული ტელეარხი გაუშვა დეზინფორმაციასთან საბრძოლველად