სინათლე ცოდნის კაფეში - ამ სახელწოდების პროექტი ქალაქ წნორის სოციალურ საწარმოში „ცოდნის კაფე“ საზეიმოდ დაიხურა. პროექტი იუსტიციის სამინისტროს მმართველობის სფეროში მოქმედმა სსიპ „დანაშულის პრევენციის ცენტრმა“ ააიპ „სამოქალაქო ინიციატივასთან“ ერთად ჩაატარა.

 მისი მიზანია სიღნაღის მუნიციპალიტეტის ახალგაზრდებში სამოქალაქო და სამართლებრივი ცნობიერების ამაღლება, მოხალისეობრივი კულტურის განვითარების ხელშეწყობა, საგანმანათლებლო-შემეცნებითი შეხვედრების ორგანიზება.

ახალგაზრდული პროექტი - „სინათლე ცოდნის კაფეში“   ქალაქ წნორში ორი თვის განმავლობაში მიმდინარეობდა და  სხვადასხვა თემატიკის ტრენინგებს მოიცავდა; კერძოდ, ადამიანის ძირითადი უფლებები და თავისუფლებები, გენდერული თანასწორობა, „ბულინგი“, მომავალი პროფესიისთვის საჭირო კომპიუტერული უნარ–ჩვევების განვითარება და სხვა. მასში ადგილობრივი სკოლების 14-18 წლის 30 მოსწავლე ჩაერთო. დახურვის ღონისძიებაზე მონაწილეებს პროექტში მონაწილეობის დამადასტურებელი სერტიფიკატები და ადაპტირებული წიგნი სამართლის შესახებ - „სამართლის ქალაქი“ გადაეცათ.

იუსტიციის სამინისტროს სსიპ „დანაშაულის პრევენციის ცენტრი" ახალგაზრდულ პროგრამებს/პროექტებს იუსტიციის სახლებსა და საზოგადოებრივ ცენტრებში ახორციელებს. ამიერიდან, კი მსგავსი საგანმანათლებლო-შემეცნებითი პროექტები „ცოდნის კაფეშიც“ გაგრძელდება. „ცოდნის კაფე" ქალაქ წნორში, არასამთავრობო ორგანიზაცია „სამოქალაქო ინიციატივის" მიერ შარშან, სექტემბერში დაფუძნდა. მასში მულტიმედიური ბიბლიოთეკა, წიგნების მაღაზია, კაფე და შეხვედრების სივრცეა მოწყობილი.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის