2017-03-23 10:06:19, 2378 ნახვა
პოლიტიკა კომენტარი
პრემიერი სამინისტროებს: მაქსიმალურად გავაშუქოთ მიღწევები
საქართველოს პრემიერ-მინისტრმა, გიორგი კვირიკაშვილმა მთავრობის დღევანდელ სხდომაზე, სამინისტროების წარმომადგენლებს მოუწოდა, რეგიონებში ვიზიტისას, მაქსიმალურად მიაწოდონ მოსახლეობას ინფორმაცია იმ საწარმოებისა და ქარხნების მუშაობის შესახებ, რომლებიც სახელწმიფო პროგრამა "აწარმოე საქართველოს" ფარგლებში შეიქმნა.
"აწარმოე საქართველოს ფარგლებში ძალიან ბევრი სასიკეთო საქმე გაკეთდა. მინდა, გთხოვოთ ყველა სამინისტროს, რომელიც იმოგზაურებთ საქართველოს სხვადასხვა რეგიონში, მაქსიმალურად გავაშუქოთ ეს მიღწევები იმიტომ, რომ ბევრმა ადამიანმა არ იცის. მინდა, გთხოვოთ, რომ მაქსიმალურად მეტი ინფორმაცია ჰქონდეთ ადამიანებს და იცოდნენ ასეთი საწარმოების შესახებ",- განაცხადა გიორგი კვირიკაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
