ჯერ პენსიაზე გასვლას არ ვაპირებ, - ასე უპასუხა ენერგეტიკის მინისტრმა კახა კალაძემ მის შესაძლო გაპრეზიდენტებასთან დაკავშირებით დასმულ შეკითხვას.

როგორც კალაძემ "რეაქციაში" განაცხადა, მას არ აქვს სურვილი გახდეს საქართველოს პრეზიდენტი.

მისივე თქმით ტრაგედია არ იქნება, თუკი პრეზიდენტის არჩევა პირდაპირი წესით მოხდება.

”ვფიქრობ უნდა ავიღოთ მაგალითები განვითარებული ქვეყნებისგან, სადაც არის საპარლამენტო მმართველობა. ჩემი პირადი მოსაზრებაა, რომ თუ ხალხის მიერ მოხდება პრეზიდენტის არჩევა, მე ამაში ტრაგედიას ან პრობლემას ვერ ვხედავ. ხშირად ვისმენთ, რომ ”ქართულ ოცნებას აქვს უმრავლესობა” და ეს არის პრობლემა. ეს პრობლემა არაა. ეს არის ხალხის ნება. არჩევნების გზით, ჩვენი ქვეყნის მოსახლებამ ასე მოისურვა და ასეთი გადაწყვეტილება მიიღო. დღეს ასევე გვეუბნებიან, რომ პრეზიდენტის ინსტიტუტი ქვეყანაში დამბალანსებელი უნდა იყოს. ვთქვათ მიღებულია გადაწყვეტილება, რომ კონსტიტუციით პრეზიდენტი იყოს პირდაპირი წესით არჩეული. რა თქმა უნდა ”ქართული ოცნება” საკუთარ კანდიდატურას წამოაყენებს. იმ შემთხვევაში თუ ”ქართული ოცნების” კანდიდატი გაიმარჯვებს და ამის ალბათობა ძალიან მაღალია, მაშინ არ მესმის დაბალანსების თემა, როგორ უნდა იყოს ახსნილი საზოგადოებისთვის”, - განაცხადა კახა კალაძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-მა ჯაშუშობის საქმეზე ფარული ვიდეოჩანაწერების კადრები გამოაქვეყნა

დახმარებას დაგვპირდნენ - დიუშენის სინდრომის მქონე ბავშვების მშობლები საპატრიარქოს წარმომადგენლებს შეხვდნენ

საბურთალოზე კაცი მოკლეს

ენერგეტიკული ბაზარი: ცვლილებები და საინვესტიციო შესაძლებლობები - ბიზნესთან შეხვედრა გაიმართა