“ნაციონალური მოძრაობის” ერთ–ერთი ლიოდერის, ნიკა მელიას განცხადებით, პარტიას მიაჩნია, რომ პრეზიდენტმა ე.წ მოსმენებთან დაკავშირებით კანონს ვეტო უნდა დააადოს. 

როგორც მელიამ ჟურნალისტებთან საუბრისას განაცხადა, მნიშვნელოვანია, რომ მთელმა ოპოზოციურმა პოლიტიკურმა სპექტრმა პრეზიდენტთან ერთად საზოგადოებრივი აზრის მობილიზება მოახდინოს. 

“ძალიან საინტერესო და მნიშვნელოვანი შეხვედრა გქვონდა, როგორც მთავარი ოპოზიციური პარტიის წარმომადგენლები პრეზიდენტთან შეხვედრისას შევეხეთ თითქმის ყველა მიმართულების დაწყებული “რუსთავი 2”–თან დაკავსირებული საკითხებით, გაგრძელებული სასამართლო სისტემით, რომელიც ივანიშვილის არაფორმალურ მმართველობასთან სრულ დამორჩილებას გულისხმობს. 

ასევე, განვიხილეთ ბათუმში განვითარებული მოვლენები, რამაც დიდი უარყოფითი გამოძახილი გამოიწვია არამხოლოდ აჭარასა და საქართველოში, არამედ საერთაშორისო საზოგადოებაში. რამდენიმე ასეულმა ტურისტმა ბათუმში ბრონი გააუქმა. საერთაშორისო დონეზე ჩვენ გამოვჩნდით, როგორც არასტაბილური ქვეყანა”, – აღნიშნა ნიკა მელიამ.

რაც შეეხება ე.წ მოსმენების კანონთან დაკავშირებით პრეზიდენტთან კონსულტაციას, მელიამ განაცხადა რომ დღევანდელი შეხვედრა პრეზიდენტთან იყო საკმაოდ პროდუქტირული. 

“ვთვლით, რომ პრეზიდენტმა ვეტო უნდა დაადოს, რადგან ეს პოლიტიკური ინსტრუმენტია, ვაცნობიერებთ, რომ ამ ვეტოს ძალიან ადვილად გადალახავს ქართული ოცნება, გასაგები მიზეზებიდან გამომდინარე, მაგრამ მნიშვნელოვანია, რომ მთელმა ოპოზიციურმა პოლიტიკურმა სპექტრმა პრეზიდენტთან ერთად მოვახდინოთ საზოგადოებრივი აზრის მობილიზაცია, იმ აღვირახსნილი პოლიტიკის წინააღმდეგ, რომელსაც ქართული ოცნება ეწევა.  

ცნობისთვის, პრეზიდენტის ადმინისტრაციაში გიორგი მარგველაშვილმა “ნაციონალურ მოძრაობასთან” და "ევროპულ საქართველოსთან” ე.წ მოსმენების კანონთან დაკავშირებით კონსულტაციები გამართა. ბოლო კონსულტაცია პრეზიდენტს ხვალ “პატრიოტთა ალიანსთან”  ექნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საბურთალოზე კაცი მოკლეს

ენერგეტიკული ბაზარი: ცვლილებები და საინვესტიციო შესაძლებლობები - ბიზნესთან შეხვედრა გაიმართა

დაესწარით თანამედროვე ხელოვნების ბაზრობა Tbilisi Art Fair 2026-ს - ღონისძიების მხარდამჭერია SOLO

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები