თბილისის მერის დავით ნარმანიას განცხადებით, როგორც ცენტრალურმა ისე დედაქალაქის მთავრობამ, თავისი კომპეტენციის ფარგლებში შესაძლებლობების მაქსიმუმი გააკეთა, იმისთვის, რომ ის საკითხები, რაც ბავშვთა სამყაროს მოვაჭრეებს აწუხებდათ, გადაეწყვიტა.

როგორც ნარმანიამ მთავრობის სხდომის დასრულების შემდეგ ჟურნალისტებს განუცხადა, აღნიშნულ საკითხთან დაკავშირებით კომერციული ბანკების მხრიდან დაზარალებულების დასახმარებლად გარკვეული ნაბიჯები გადაიდგა, სადაც შუამავალი ეროვნული ბანკი იყო.

მისივე  განმარტებით, მერიამ  შუამავლის ფუნქცია იკისრა ბაზრობების ასოციაციასთან და დაზარალებულებს რამდენიმე თვიანი საშეღავათო პერიოდით გარკვეული ფართები გამოუყვეს. 

„როგორც ცენტრალურმა, ისე თბილისის მთავრობამ თავისი კომპეტენციის ფარგლებში, შესაძლებლობების მაქსიმუმი გააკეთა, იმისათვის, რომ ის საკითხები, რაც ბავშვთა სამყაროს მოვაჭრეებს აწუხებდათ, კომპეტენციის ფარგლებში გადაეწყვიტა. ეს იყო შუამავლის როლი კომერციულ ბანკებთან, ამ საკითხთან დაკავშირებით კომერციული ბანკების მხრიდან გარკვეული ნაბიჯები გადაიდგა, ჩართული იყო ეროვნული ბანკი, ბანკების ასოციაცია და შესაბამისად გადასახდელი თანხების გადავადება მოხდა ერთის მხრივ, მეორეს მხრივ თბილისის მერიაში ჩემი მოადგილეების მონაწილეობით შეხვედრა გაიმართა, სადაც ასევე დამატებით გარკვეულ შეღავათებზე იყო საუბარი, თუმცა საბოლოო ჯამში ცალკეული გადაწყვეტილებები კომერციული ბანკების პრეროგატივაა, თუ ვის, რამდენს და როგორი ფორმით გადაუვადებენ და დამატებით როგორ დაეხმარებიან. ასევე ფინანსთა სამინისტრომ შეიმუშავა სპეციალური ნორმა, რომლის მიხედვითაც ის ზიანი რაც მათ მიადგათ, მოხდეს ამ ყველაფრის ჩამოწერა, და არ დაიბეგროს გადასახადებით, ისევე როგორც სალარო აპარატებთან დაკავშირებით გარკვეული შეღავათები გაკეთდა.

ჩვენ ვიკისრეთ შუამავლის ფუნქცია, ბაზრობების ასოციაციასთან და მათ გარკვეული ფართები გამოყვეს რამდენიმე თვიანი საშეღავათო პერიოდით, რათა დაზარალებულები განთავსდნენ ამ ფართებში. გარკვეული ნაწილი ამ თვალსაზრისით უკვე დაკმაყოფილებულია. არის ასევე ცალკეული საკითხი, რომელზეც ჩვენ მათ დავეხმარეთ. ამის გარდა სხვა საკითხი მიყენებული ზიანის ანაზღაურებასთან დაკავშირებით არც ცენტრალური მთავრობის და არც ადგილობრივი მთავრობის პრეროგატივას ა განეკუთვნება. ეს არის ერთის მხრივ ბაზრობის ადმინისტრაციასა და მეორეს მხრივ თვითონ უშუალოდ მოვაჭრეებს შორის ურთიერთობის საგანი. მათი სახელშეკრულებო ურთიერთობის საგანი, თუმცა, ძალიან ცუდია, რომ მათ შორის ხელშეკრულება მხოლოდ ფორმალურ ხასიათს ატარებდა. და არ იყო დაზღვევასთან დაკავშირებული საკითხები გათვალისწინებული. ზუსტი ზიანის ოდენობის დადგენა შეუძლებელია. ძალიან ბევრი პრობლემური საკითხი არსებობს ამასთან დაკავშირებით, საიდან გამომდინარეც მიგვაჩნია, რომ მთავრობის ფუნქციას არ განეკუთვნება ასეთ შემთხვევაში მიყენებული ზიანის ანაზღაურება“,-განაცხადა ნარმანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისია: საქართველოს ხელისუფლების ქმედებები უვიზო მიმოსვლის საფუძვლებს ძირს უთხრის.

ყველაზე საჭირო აპები როუმინგში მეგაბაიტების ხარჯვის გარეშე

ეკონომიკურ ზრდას დიდწილად ექსპორტი განაპირობებს - თიბისი კაპიტალმა მაკროეკონომიკური განახლება გამოაქვეყნა

ევროკავშირმა პირველად დააწესა სანქციები ირანს ნავიგაციის თავისუფლების საფრთხის გამო