ცენტრალური საარჩევნო კომისიის თავმჯდომარე თამარ ჟვანია ოკუპირებულ აფხაზეთში ე.წ. საპარლამენტო არჩევნების თემას გამოეხმაურა და ცესკო-ს სახელით, აღნიშნული ფაქტი დაგმო:

„ცენტრალური საარჩევნო კომისიის სახელით ცალსახად ვგმობ ამ ფაქტს და მოვუწოდებ ყველას, რომ გამოხატონ პროტესტი ასეთი ტიპის არალეგიტიმური ქმედებების გამო“,-აღნიშნა თამარ ჟვანიამ.

ოკუპირებულ აფხაზეთში ე.წ. საპარლამენტო არჩევნების შედეგად 35-დან 12 ოლქში მაჟორიტარი დეპუტატი უკვე აირჩიეს, - ამის შესახებ "სპუტნიკ-აბხაზია" დე ფაქტო ცესკო-ზე დაყრდნობით იუწყება.

მედია საშუალების ინფორმაციით,  22 ოლქში "არჩევნების" მეორე ტური გაიმართება. დარჩენილ 1 ოლქში კი დაბალი აქტივობის გამო, განმეორებითი "არჩევნები"  2 თვის შემდეგ ჩატარდება.

ე.წ არჩევნებს მონიტორინგს  "საერთაშორისო დამკვირვებლები" უწევდნენ, რომლებიც ძირითადად, რუსეთიდან, ბელარუსიდან, ოკუპირებული სამხრეთ ოსეთიდან, სეპარატისტული დონეცკისა და ლუგანსკის ოლქებიდან, ასევე მთიანი ყარბაღიდან იყვნენ. მათი თქმით, პროცესზე დარღვევები დაფიქსირდა, თუმცა ეს შედეგებზე გავლენას არ იქონიებს.

სააგენტოს ცნობით, იმ ოლქებში, სადაც გამარჯვების კანდიდატის გამოვლენა ვერ მოხერხდა, "არჩევნების" მეორე ტური 2 კვირაში გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-ის უფროსის პოსტზე მამუკა მდინარაძეს გელა გელაძე შეცვლის, შს მინისტრი სულხან თამაზაშვილი იქნება

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა