ბავშვთა სამყაროში ხანძრის შედეგად დაზარალებული მოვაჭრეები პრემიერთან შეხვედრას და კომპენსაციებს ითხოვენ. ამ მიზნით ისინი მთავრობის ადმინისტრაციასთან მშვიდობიან აქციას მართავენ.

„ჩვენ გვინდა მარტო პრემიერთან შეხვედრა, 24 საათის შემდეგ გეტყვით პასუხსო,  გამოვა პრემიერი და შეგვხდება. ის პასუხი პრემიერმა დღესაც იცის, რატომ უნდათ ჩვენი ასეთი გატანჯვა და გაწვალება?!“,-აღნიშნა ერთ-ერთმა დაზარალებულმა.

დაზარალებულების მოთხოვნებზე კომენტარი გააკეთა მთავრობის ადმინისტრაციის მოქალაქეთა მიღების უფროსმა მამუკა ასათიანმა:

„თბილისის მერიამ შესთავაზა ალტერნატიული ფართი, სადაც შეძლებენ თავიანთი საქმიანობის გაგრძელებას, ასევე საკრებულოში შეიქმნა საკრებულოს თავმჯდომარის ინიციატივით სამუშაო ჯგუფი, რომელიც სწავლობს მათ საკითხს, თუ  რითი შეიძლება რომ დაეხმაროს. ფინანსთა სამინისტროსა და ეროვნული ბანკის უშუალო მონაწილეობით მოხდა რეკომენდაციის გაწევა კომერციულ ბანკებთან მათი კრედიტების გადავადების მიზნით. რაც შეეხება პრემიერთან  შეხვედრის საკითხს,  ეს ჯერჯერობით დღის წესრიგში არ დგას“,-აღნიშნა მამუკა ასათიანმა.

კიდევ ერთი აქცია მიმდინარეობს მთავრობის ადმინისტრაციასთან, რომელსაც ამჯერად  შეზღუდული შესაძლებლობების მქონე ბავშვების მშობლები მართავენ. ისინი ჯანდაცვის სამინისტროს მიერ დაფინანსების შემცირებას და კლინიკების ნაწილის დახურვას აპროტესტებენ.  მათი მოთხოვნაა, დარჩეს მრავალპროფილურ კლინიკებში განყოფილებები და ისევ მოხდეს პაციენტების მოთავსება. მოთხოვნების დაკმაყოფილებამდე შიმშილობას აპირებენ. ჯანდაცვის  სამინისტროს წარმომადგენლები მათ მოთხოვნებს უკვე გაეცნენ და განაცხადეს, რომ  პროტესტის მონაწილეთა აზრები უწყების ხედვას  ემთხვევა, თუმცა სამინისტროს მათი განხორციელების საკუთარი გეგმა აქვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა