თბილისის მერიის ინფორმაციით, ჩუღურეთის რაიონში, ხონის ქუჩის მცხოვრებლები ახალი კეთილმოწყობილი გზით ისარგებლებენ.

მერიის ცნობით, საგზაო ინფრასტრუქტურის კეთილმოწყობა ერთი კვირის წინ დაიწყო და თვის ბოლოს დასრულდება. ხონის ქუჩაზე მიმდინარე სამუშაოებს ჩუღურეთის რაიონის გამგებელი ზურაბ ჩიკვილაძე  გაეცნო.

„ჩუღურეთის რაიონში საგზაო სამუშაოები გეგმა-გრაფიკით მიმდინარეობს. ვცდილობთ მოვიცვათ ყველა ქუჩა და ჩიხი, მათ შორის ისეთი ადგილები, სადაც ათწლეულების მანძილზე საგზაო სამუშაოები არ ჩატარებულა.  ერთ-ერთი ასეთი ქუჩა გახლავთ ხონის ქუჩა. აქ საგზაო ინფრასტრუქტურის მოწესრიგება 60 წელია არ განხორციელებულა“, - განაცხადა ზურაბ ჩიკვილაძემ.

2017 წლისთვის, ჩუღურეთის რაიონში, 35 ქუჩისა და 70 შიდა ეზოს მოასფალტებაა დაგეგმილი.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პატრიარქობის კანდიდატის, ფოთისა და ხობის მიტროპოლიტ გრიგოლის პროგრამული ხედვა

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება