დიდუბის რაიონის გამგეობა  ეხმაურება ტელეკომპანია „რუსთავი 2-ის“ ეთერში გასულ რეპორტაჟს საქართველოს დედაქალაქში ჰაერის დაბინძურების საგანგაშო სტატისტიკის შესახებ.

გამგეობაში ირწმუნებიან, რომ  ჟურნალისტისა და სიუჟეტის მთავარი გმირის მიერ გაჟღერდა არასწორი ინფორმაცია დიდუბის რაიონში, კონკრეტულად, წერეთლის გამზირის N71-სა და N73-ს შორის არსებული სკვერის დემონტაჟის შესახებ.

„განვმარტავთ, რომ ადგილზე, სადაც სიუჟეტის გმირი ინტერვიუს იძლევა და სინანულს გამოთქვამს სკვერის განადგურების თაობაზე, რეალურად სკვერი არასდროს ყოფილა და იქ მხოლოდ 3  სკამი იყო განთავსებული. ასევე, დაზიანებული იყო მწვანე ნარგავები და ბორდიურები. სკვერის მოწყობა კი აღნიშნულ მისამართზე სწორედ ახლა მიმდინარეობს და პროექტს დიდუბის რაიონის გამგეობა ახორციელებს.

ტერიტორიაზე დაიდგმება ახალი  სკამები, დეკორატიული ურნები, საბავშვო გასართობი ატრაქციონები, შენარჩუნდება არსებული და დაირგვება ახალი სხვადასხვა სახის ნარგავი.

ჩვენთვის გასაგებია სიუჟეტის ავტორის სურვილი, ვიზუალური და შინაარსობრივი მასალის თანხვედრით შექმნას საინტერესო და სკანდალური მასალა, თუმცა მიგვაჩნია, რომ ეს არ უნდა მოხდეს ტყუილის ხარჯზე, რასაც ამ შემთხვევაში ნამდვილად ჰქონდა ადგილი.

მეტი სიზუსტისათვის ვავრცელებთ ფოტომასალას, რომელიც წერეთლის გამზირის N71-სა და 73-ს შორის სკვერის მშენებლობის დაწყებამდეა გადაღებული და რომლითაც დასტურდება, რომ სიუჟეტის ავტორმა საზოგადოება შეცდომაში შეიყვანა“,-ნათქვამია განცხადებაში.

დიდუბის გამგეობა  მოუწოდებს სატელევიზიო მედიას, თბილისში არსებულ ინფრასტრუქტურასთან დაკავშირებით ინფორმაციის მომზადებისას, მიიღონ სანდო და დაზუსტებული მონაცემები კონკრეტული რაიონის გამგეობის ან თბილისის მერიის შესაბამისი პასუხისმგებელი პირებისაგან.

„ რადგან მიგვაჩნია, რომ დედაქალაქის მცხოვრებლებს აქვთ უფლება იცოდნენ სიმართლე“,-აღნიშნულია განცხადებაში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა