„ნაციონალური მოძრაობის" ერთ-ერთი წევრის გია ბარამიძის განცხადებით, ხელისუფლება ყველაფერს გააკეთებს იმისთვის, რომ "რუსთავი 2" იმ ყადაღის გამოყენებით, რომელიც სასამართლოს აქვს მიღებული, ფინანსურად მოახრჩოს.

როგორც ბარამიძემ "ექსპრესნიუსთან" საუბარში განაცხადა, მმართველ გუნდს აქვს უამრავი ბერკეტი, არა მხოლოდ პოლიციაზე და ეკონომიკურ სუბიექტებზე, არამედ სასამართლოზეც.

„ისინი სასამართლოს ყიდულობენ, ქრთამით, არა თავისი ჯიბიდან არამედ თავხედურად, ხალხის მიერ შეკრებილი მერიის ბიუჯეტიდან. შესაბამისად მათგან სამწუხაროდ ყველაფერია მოსალოდნელი. ამიტომ, დღეს კი არის ერთი სასიხალური ეპიზოდი იმისა, რომ სტრასბურგის ადამიანის უფლებათა სასამართლომ ეს უკანონო გადაწყვეტილება სასამართლოში გააჩერა, მაგრამ პრობლემა პრობლემად რჩება. მთავარი პრობლემა არის ივანიშვილის უკანონო და არაფორმალური მმართველობა, რომელმაც ქვეყანა თავის შპს-დ გადააქცია, როდესაც მას ჯიბეში საქართველოს მთავრობა, პარლამენტი, სასამართლო, სუს-ი, პოლიცია და პროკურატურა უდევს. ის არანაირ პასუხისმგებლობას არ გრძნობს და სრულიად გათავხედებულია. ეს არის მთავარი პრობლემა, ამას უნდა მივხედოთ, ამიტომ საზოგადოებას მართებს კონსოლიდაცია, იმისთვის, რომ ჩვენ ეს პრობლემა თავიდან მოვიცილოთ, რათა საქართველოს კვლავ მიეცეს საშუალება ნორმალური, თავისუფალი განვითარების გზა გააგრძელებს", - აღნიშნა გია ბარამიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-ის უფროსის პოსტზე მამუკა მდინარაძეს გელა გელაძე შეცვლის, შს მინისტრი სულხან თამაზაშვილი იქნება

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა