დღეს, ქართულ რეალობაში პირველად, ინტერნეტპორტალ „სარბიელის“ ორგანიზებით, დომინოში მედიატურნირი გაიმართა.

ეს ტურნირი გახდა  „სარბიელის“ ერთგვარი პრეზენტაცია, რომელიც მედიასივრცეში განახლებული სახით ბრუნდება.

ტურნირში 20 მედიასაშუალების 40 წარმომადგენელი მონაწილეობდა: საინფორმაციო სააგენტო „პირველი“; სააგენტო „ექსპრესნიუსი“; საზოგადოებრივი მაუწყებელი; „ბანკები და ფინანსები“; საინფორმაციო სააგნტო iPRESS; ჟურნალი „მარშალპრესი“; ჟურნალი „დაიჯესტი“; TV იმედი; გაზეთი „ქრონიკა პლუსი“; საინფორმაციო სააგენტო „ფოსტალიონი“;

გაზეთი „ახალი თაობა; მედიაგავრცელების სააგენტო Clip-Art; ტვ „პირველი“; საინფორმაციო პორტალი „კვირა“; გაზეთი „რეზონანსი“; საინფორმაციო სააგენტო „ნიუპოსტი“; ჟურნალი FunTime; TV „რუსთავი 2“; TV „მაესტრო“; სპორტულ ჟურნალისტთა ასოციაცია.

ქვეჯგუფებში საკმაოდ აზარტული ორთაბრძოლის შემდეგ ნახევარფინალში გადავიდნენ: ჟურნალი „დაიჯესტი“ და ჟურნალი „ბანკები და ფინანსები“,  საინფორმაციო პორტალი „კვირა“ და სპორტულ ჟურნალისტთა ასოციაცია.

ნახევარფინალურ თამაშში მონაწილე ოთხი ძლიერი წყვილიდან ფინალისტები გახდნენ „ბანკები და ფინანსები“ და სპორტულ ჟურნალისტთა ასოციაცია.

მე-3 ადგილისთვის ერთმანეთს დაუპირისპირდნენ ჟურნალი „დაიჯესტი“ და საინფორმაციო პორტალი „კვირა“.

საფინალო დაპირისპირება დაძაბულ, თანაბარ ბრძოლაში მიმდინარეობდა, თუმცა  „ბანკები და ფინანსების“ წყვილი უფრო ძლიერი და იღბლიანი აღმოჩნდა.

საბოლოოდ, საპრიზო ადგილები ასე გადანაწილდა:
I ადგილი  - „ბანკები და ფინანსები“ ( გიორგი კუკულავა და ზურაბ კუკულაძე )
II  ადგილი - სპორტულ ჟურნალისტთა ასოციაცია ( მიხეილ აბაიშვილი და ზაალ შათირიშვილი )
III ადგილი - ჟურნალი „დაიჯესტი“ (გიორგი ნავროზაშვილი და ირაკლი ქრისტინაშვილი )

საპრიზო ადგილებზე გასულ მოთამაშეთა წყვილები სახალისო სამახსოვრო პრიზებით დასაჩუქრდნენ.
I ადგილზე გასულ წყვილს  20-ლიტრიანი ბოცით ღვინო, ცოცხალი ცხვარი და მთავარი თასი გადაეცა. 
II ადგილზე გასულმა წყვილმა კომპანია BE.ge-ს მიერ დაწესებული პრიზი - აეროგრილი BREVA BO-H11, ჯეპრას მაისურები და სხვა სამახსოვრო საჩუქრები მიიღო.
III ადგილის მფლობელებს სახანძრო ქუდები, ერთი ყუთი ლუდი და დომინოს საათი ერგოთ.

ტურნირის პარალელურად გულშემატკივართა გასართობად „სარბიელის“ გუნდმა მოაწყო საინტერესო ვიქტორინები, დირტსის თამაშები, მსუბუქი სპორტული შეჯიბრები. წარმატებულებს „სარბიელისა“ და ტურნირის სპონსორებისგან სერტიფიკატები და სახალისო სუვენირები გადაეცათ.

„სარბიელის“ ორგანიზებით გამართული ტურნირის სპონსორები და პარტნიორები არიან:
კომპანია BE.ge; მედიაგავრცელების სააგენტო Clip-Art; პაბი „ავალონი“; კომპანია „ნატახტარი“; PR  სააგენტო „ჯეპრა“; ფრჩხილების მოვლის ცენტრი Nail Gallery; კომპანია „რედ ბული“.


(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა