"გვქონდა მსჯელობა, რომ უშიშროების საბჭო გარდაიქმნას ეროვნული თავდაცვის საბჭოდ, რომელიც საომარი მდგომარეობის დროს იმოქმედებს“, - ამის შესახებ პარლამენტის თავმჯდომარე ირკალი კობახიძემ საკონსტიტუციო კომისიის სხდომაზე განაცხადა.

მან დეპუტატებს კონსტიტუციაში შესატან ცვლილებებთან დაკავშირებით „ქართული ოცნების“ ხედვები და წინადადებები გააცნო:

„ერთადერთი არსებითი ცვლილება, რაც შეიძლება პრეზიდენტის კომპეტენციების სფეროს შეეხოს, ჩვენი ხედვით დაკავშირებულია უშიშროების საბჭოსთან. ჩვენ ამასთან დაკავშირებით უკვე გვქონდა მსჯელობა წინა სხდომაზე. დღეს გვაქვს სრული აღრევა უფლებამოსილებების. რეალურად მოქმედებს ორგანო, რომელიც რჩევას აძლევს პრეზიდენტს ისეთ საკითხებზე, რაც არის მთავრობის კომპეტენცია. ეს არის აბსოლუტური აღრევა და ამაზე აქტიურად საუბრობდნენ 2010 წელს ვენეციის კომისიის ექსპერტები. ისინი პირდაპირ ამბობდნენ, რომ ამ სისტემაში უშიშროების საბჭოს ადგილი ასეთი სახით არ არის. ამ ყველაფრის გათვალისწინებით, გვქონდა მსჯელობა იმაზე, რომ უშიშროების საბჭო გარდაიქმნას ეროვნული თავდაცვის საბჭოდ. ისევე როგორც დღეს, მას დარჩება არსებითად თავდაცვის სფეროში უფლებამოსილებები, უბრალოდ განსხვავებით დღევანდელი მოდელისგან, ეროვნული თავდაცვის საბჭო იმოქმედებს საომარი მდგომარეობის დროს. კონსტიტუციაში იქნება სპეციალური მუხლი, რომლის მიხედვითაც, საომარი მდგომარეობის შემთხვევაში ჩამოყალიბდება ეროვნული თავდაცვის საბჭო. მისი თავმჯდომარე იქნება პრეზიდენტი, ეყოლება მუდმივი წევრები და მისი საქმიანობა იქნება უზრუნველყოფილი პრეზიდენტის ადმინისტრაციის მიერ“,  - განაცხადა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე