ევროპარლამენტის და ევროკავშირის წარმომადგენლები უკრაინისთვის ვიზების გაუქმებაზე შეთანხმდნენ

2017-03-01 11:21:32, 2780 ნახვა

მსოფლიო

ევროპარლამენტის და ევროკავშირის წარმომადგენლები უკრაინელებისთვის ვიზების გაუქმებაზე შეთანხმდნენ, - ამის შესახებ Korespondent.net იუწყება.

მედია საშუალების ინფორმაციით, შეთანხმება ევროპარლამენტის კომიტეტმა, ევროპარლამენტმა და შემდეგ ევროკავშირის საბჭომ უნდა დაამტკიცოს.

როდესაც ცვლილებები ძალაში შევა, ბიომეტრიული პასპორტების მფლობელი უკრაინის მოქალაქეები ევროკავშირში უვიზოდ გადაადგილებას 90 დღით 180-დღიან პერიოდში საქმიანი, ტურისტული ან საოჯახო ვიზიტებით შეძლებენ. უვიზო რეჟიმი არ გულისხმობს სამუშაო ვიზას, ასევე არ ვრცელდება დიდ ბრიტანეთსა და ირლანდიაზე.

ამასთან, აღნიშნულ გადაწყვეტილებას უკრაინის პრეზიდენტი პეტრო პოროშენკო Twitter-ის საკუთარ გვერდზე გამოეხმაურა. ფოროშენკომ შეთანხმებას, ფორმალური მაგრამ უკრაინისთვის ძალიან მნიშვნელოვანი ნაბიჯი უწოდა.

"მივესალმები რადა-ევროკომისია-ევროპარლამენტის ტრიალოგის დასრულებას ევროკავშირთან უვიზო მიმოსვლაზე", - წერს პოროშენკო.

მანვე აღნიშნა, რომ ახლა სიტყვა ევროპარლამენტსა და ევროკავშირის საბჭოზეა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან