ყოველგვარი საუბარი იმაზე, რომ ზეწოლა მოხდება მასზე, ან რაღაც განსხვავებული რეჟიმით დაიკითხება, მოგონილი თემებია, - ასე გამოეხმაურა საპარლამენტო უმრავლესობის წევრი გია ვოლსკი დეკანოზ გიორგი მამალაძის ადვოკატების განცხადებას, რომლებმაც გუშინ, ე.წ. მატროსოვის ციხის დატოვების შემდეგ აღნიშნეს, რომ შესაძლოა დაკავებულზე ზეწოლა განხორციელდეს.

როგორც დეპუტატმა აღნიშნა, ყველა წესი იქნება დაცული იმისათვის, რომ საქმეზე კითხვები არ დარჩეს.

„ყოველგვარი ლაპარაკი იმის თაობაზე, რომ ზეწოლა მოხდება მასზე ან რაღაც განსხვავებული რეჟიმით დაიკითხება, ვიდრე დემოკრატიულ სახელმწიფოს უნდა ახასიათებდეს, ეს არის მოგონილი თემები. არის ძალიან მძიმე ფაქტზე სისხლის სამართლის საქმე აღძრული და რასაკვირველია, ყველა წესი იქნება დაცული იმისათვის, რომ კითხვები არ დარჩეს“, - განაცხადა გია ვოლსკიმ.

ცნობისთვის, ე.წ. მატროსოვის ციხე პროკურატურის წარმომადგენლებმა და დეკანოზ გიორგი მამალაძის ადვოკატებმა გუშინ საღამოს დატოვეს.

ადვოკატმა მიხეილ რამიშვილმა ჟურნალისტებს განუცხადა, რომ როგორც ბრალდებული დეკანოზის, ასევე მისი ოჯახის წევრებისა და თავად ადვოკატების უსაფრთხოება კითხვის ნიშნის ქვეშ დგას. მან სახალხო დამცველს მოუწოდა ორი დღის განმავლობაში მამა გიორგი მამალაძე მოინახულოს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი