საერთაშორისო რესპუბლიკური ინსტიტუტი ახალი სოციოლოგიური გამოკითხვის შედეგებს აქვეყნებს. გამოკითხვის მიხედვით, საქართველოს მოსახლეობა დღეს უფრო ნაკლებად ოპტიმიზტურად არის განწყობილი, ვიდრე ერთი წლის წინ.

მოსახლეობის 55 % ამბობს, რომ ქვეყანა არასწორი მიმართულებით ვითარდება, ხოლო 25 % კი პასუხობს, რომ საქართველო სწორ მიმართულებას ადგას. ამის გამომწვევი მიზეზები ეკონომიკური მდგომარეობა, უსაფრთხოება და ტერიტორიული მთლიანობაა.

ამასთან, გამოკითხვის შედეგად ირკვევა, რომ საქართველოს მოსახლეობას სურვილი აქვს გააღრმავოს კავშირები დასავლეთთან. საქართველოს მოსახლეობა კვლავ ევროპისა და დასავლეთისკენ მიისწრაფვის. ორგანიზაციის კვლევამ აჩვენა, რომ საქართველოს მოსახლეობის 85 % მხარს უჭერს საქართველოს ევროკავშირში გაწევრიანებას. ამის მსგავსად, მოსახლეობის 78 % მხარს უჭერს საქართველოს ნატოში შესვლას. ეს მხარდაჭერის საკმაოდ დიდი მაჩვენებელია და ყველა დემოგრაფიულ სექტორს მოიცავს.
საქართველოს მოსახლეობა შეწუხებულია ტერიტორიული მთლიანობის პრობლემით. საქართველოს მოსახლეობის 76 % რუსეთის ფედერაციას საფრთხის წყაროდ აღიქვამს. მოსახლეობის 88 % ამბობს, რომ რუსეთის აგრესია საქართველოს მიმართ კვლავ გრძელდება ან შესაძლებელია, განახლდეს.

კვლევის თანახმად, საქართველოს მოსახლეობა წუხილს გამოთქვამს ეკონომიკური მდგომარეობის გამო.
 გამოიკვეთა, რომ უმუშევრობა და ეკონომიკური განვითარების ნაკლებობა არის ორი ყველაზე მნიშვნელოვანი პრობლემა, რომელიც ქვეყნის წინაშე დგას. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი