გივი თარგამაძე: უკრაინის გენერალური პროკურორი იძლევა გარანტიას, რომ აპელაციაზე გია ცერცვაძე იქნება გათავისუფლებული

2017-01-25 00:06:09, 2729 ნახვა

პოლიტიკა სამართალი საზოგადოება

"ევროპული საქართველოს" ერთ-ერთი წევრი გივი თარგამაძე Facebook-ის პირად გვერდზე წერს, რომ უკრაინის გენერალურ პროკურორი იური ლუცენკო იძლევა გარანტიას, რომ აპელაციაზე გია ცერცვაძე იქნება გათავისუფლებული.

როგორც თარგამაძე წერს, ის დარწმუნებულია, რომ მთლიანად პროცესიც წარმატებით დასრულდება და გია ცერცვაძე კიდევ იტყვის თავის სიტყვას სამშობლოს სასიკეთოდ.

"მინდა რომ სასიხარულო ცნობა სასწრაფოდ მოგაწოდოთ: მთელი დღის განმავლობაში მქონდა კომუნიკაცია უკრაინის გენერალურ პროკურორთან იური ლუცენკოსთან და აი სულ რამოდენიმე წუთია მივიღე მისგან პასუხი - ის დაეკონტაქტა უკრაინაში ქართულ ლეგიონს, რომელმაც დაუდასტურა გიორგი ცერცვაძის მონაწილეობა ყველა იმ ოპერაციაში, რომლებზწც ჩვენ ამ დღეებში ვსაუბრობდით, რაზე დაყრდნობითაც ლუცენკო იძლევა გარანტიას აპელაციისას გიას გათავისუფლებაზე. გილოცავთ და დარწმუნებული ვარ, მთლიანად პროცესიც წარმატებით დასრულდება და გია, რომლითაც მეც თქვენთან ერთად ვამაყობ, კიდევ იტყვის თავის სიტყვას სამშობლოს სასიკეთოდ", - წერს გივი თარგამაძე.