თბილისის საკრებულოში ახალმა ფრაქციებმა რეგისტრაციისთვის საკრებულოს თავმჯდომარეს და კომისიებს ოფიციალურად წერილობით მიმართეს.

ფრაქცია "ნაციონალური მოძრაობის" თავმჯდომარის ირაკლი ნადირაძის განცხადებით, მათ საკრებულოს თავმჯდომარეს გიორგი ალიბეგაშვილს ფრაქციის რეგისტრაციის მოთხოვნა, "ნაციონალური მოძრაობის" ფრაქციის სხდომის შემდეგ გაეგზავნა.

როგორც ნდირაძემ აღნიშნა, "ნაციონალური მოძრაობა" კვლავ მთავარ ოპოზიციურ ძალად რჩება და  ბიძინა ივანიშვილის და ხელისუფლების წინააღმდეგ ბრძოლას აგრძელებს. 

„ჩვენმა რამდენიმე კოლეგამ დატოვა ნაციონალური მოძრაობა და შეუერთდა გიგა ბოკერიას მცირე ჯგუფს. შესაბამისად, ახალი სახით ჩამოყალიბდა ნაციონალური მოძრაობა. ახალი შემადგენლობით ნაციონალური მოძრაობა საკრებულოშიც და საქართველოშიც ვრჩებით მთავარ ოპოზიციურ ძალად და ვაგრძელებთ ბრძოლას ბიძინა ივანიშვილის რეჟიმის წინააღმდეგ. შესაბამისად, ვიქნებით ყველაზე აქტიურები კვლავ და კვლავ და გვექნება ყველაზე დიდი მხარდაჭერა ჩვენი მოსახლეობის,“ - განაცხადა ირაკლი ნადირაძემ.

საკრებულოს ფრაქცია თბილისის თავმჯდომარის მამუკა ახვლედიანის თქმით კი, ისინი ენმ-თან თანამშრომლობას მომავალშიც გააგრძელებენ. 

"ჩვენ კოლეგიალურად და ურთიერთ შეთანხმებით გვექნება ერთი მიზანი და ეს მიზანი იქნება ბრძოლა უკეთესი თბილისისათვის, ბრძოლა იმ უნიათო მმართველობის წინააღმდეგ, რომელსაც ნარმანია და მისი გუნდი ახორციელებს", - აცხადებს ახვლედიანი.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ეკლესიის გაფართოებული კრება, სადაც ახალ პატრიარქს აირჩევენ, 11 მაისს გაიმართება

თბილისის მეტროს პირველ ხაზზე მოძრაობა შეჩერებულია - 300 არაგველზე მგზავრი ლიანდაგებში ჩავარდა

ჯაშუშობის ბრალდებით დაკავებულ ივანიშვილის ყოფილ პრესმდივანს, გიორგი უძილაურს პატიმრობა შეეფარდა

პაატა ბურჭულაძის დასკვნითი სიტყვა სასამართლოზე: ჩემს ადგილს ვხედავ ან რუსთაველზე, ან ციხეში