საპარლამენტო ფრაქციას „ნაციონალური მოძრაობა" სახელწოდება შეეცვალა და „ევროპული საქართველო“ დაერქვა.

აღნიშნული გადაწყვეტილება ფრაქციის სხდომაზე მიიღეს.

რაც შეეხება ფრაქციის თავმჯდომარეს, ამ თანამდებობაზე სერგო რატიანი აირჩიეს. მანამდე თავმჯდომარის პოსტს ნიკა მელია იკავებდა, რომელიც „ნაციონალურ მოძრაობაში“ დარჩა.

„ფრაქციის სხდომა ჩატარდა. დღის წესრიგში რამდენიმე საკითხი იყო გათვალისწინებული. პირველი: ფრაქციას  შეეცვალა სახელწოდება და ეწოდა „ევროპული საქართველო“.  შესაბამისად, შეიცვალა ფრაქციის ხელმძღვანელობა და ამ ფრქციის თავმჯდომარედ აირჩიეს სერგო რატიანი. აქვე უნდა აღინიშნოს, რომ უახლოეს მომავალში ჩვენ სხვა გადაწყვეტილებები გვექნება. ასევე, მნიშვნელოვანი იყო ის, რომ ჩვენ ვიმსჯელეთ უმცირესობის ფორმატით და ენერგეტიკის მინისტრთან გაზპრომის საკითხზე შეხვედრა ვითხოვეთ. ასევე, გარკვეული ცვლილებები განხორციელდა მეორე ფრაქციასთან დაკავშირებით - წევრებში იქაც ცცვლილებებია და ამაზე ოფიციალური განცხადება გაკეთდება“, - განაცხადა გიგი წერეთელმა.

შეგახსენებთ, გუშინ, „ერთიანი ნაციონალური მოძრაობა“ 59-მა წევრმა დატოვა. მათგან 21 პარლამენტის დეპუტატია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ეკლესიის გაფართოებული კრება, სადაც ახალ პატრიარქს აირჩევენ, 11 მაისს გაიმართება

თბილისის მეტროს პირველ ხაზზე მოძრაობა შეჩერებულია - 300 არაგველზე მგზავრი ლიანდაგებში ჩავარდა

ჯაშუშობის ბრალდებით დაკავებულ ივანიშვილის ყოფილ პრესმდივანს, გიორგი უძილაურს პატიმრობა შეეფარდა

პაატა ბურჭულაძის დასკვნითი სიტყვა სასამართლოზე: ჩემს ადგილს ვხედავ ან რუსთაველზე, ან ციხეში