ბრიუსელში, თურქეთის საელჩოს შენობასთან ასაფეთქებელი მოწყობილობა აღმოაჩინეს, - ამის შესახებ ინფორმაციას Derniere Heure-ი ავრცელებს.

მათი ცნობით, ადგილობრივი დროით 13:30 საათზე შენობასთან საეჭვო ნივთი აღმოაჩინეს და პოლიცია გამოიძახეს. სამართალდამცველებმა პერიმეტრი გაწმინდეს და გამნაღმველები გამოიძახეს.16:30 საათისთვის კი მათ მუშაობა დაასრულეს.

ბრიუსელის პროკურატურის წარმომადგენელმა ჟურნალისტებს განუცხადა, რომ საეჭვო ნივთი ასაფეთქებელი მოწყობილობა აღმოჩნდა. მას არ დაუკონკრეტებია, რა სახის ასაფეთქებელზეა საუბარი.

გავრცელებული ინფორმაციით, პოლიეთილენის პარკში მოთავსებული იყო გაზის ბალონი და ასანთი. ამ დროისთვის მიმდინარეობს გამოძიება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია: ფორმულასთან დაკავშირებით სასამართლოს გადაწყვეტილება SLAPP პრეცედენტია

უკრაინამ შავ ზღვაში რუსეთის ჩრდილოვანი ფლოტის 20 გემს დაარტყა

თბილისის ტრამვაის ტენდერში თურქულმა კომპანია EmreRay-მ გაიმარჯვა - პროექტი ₾288 მლნ ჯდება

ყაველაშვილი დოჰაშია, სადაც კატარის სახელმწიფოს ემირს შეხვდება და ყოფილი ემირის გარდაცვალებას მიუსამძიმრებს