დღეიდან, აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს ზაალ მიქელაძე უხელმძღვანელებს.

აჭარის მთავრობის ახალ შემადგენლობას კენჭი ეყარა აჭარის ავტონომიური რესპუბლიკის უმაღლესი საბჭოს დღევანდელ რიგგარეშე სესიაზე. დეპუტატებმა მინისტრთა კაბინეტის განახლებული შემადგენლობა ხმათა უმრავლესობით დაამტკიცეს. მინისტრები საკანონმდებლო ორგანოში აჭარის მთავრობის თავმჯდომარემ ზურაბ პატარაძემ წარადგინა.

ზაალ მიქელაძე პროფესიით ექიმია, დამთავრებული აქვს თბილისის სახელმწიფო სამედიცინო უნივერსიტეტი. 1995-2011 წლებში მუშაობდა ქობულეთის მუნიციპალიტეტის რაიონულ საავადმყოფოში, პედიატრად, შემდეგ დირექტორის მოადგილედ სამედიცინო დარგში. 2007-2012 იყო სადაზღვევო კომპანია „იმედი-L“-ის სამედიცინო მენეჯერი, ხოლო 2012 წელს „ჩემი ოჯახის კლინიკა-ქობულეთის’’ სამედიცინო მენეჯერი. 2013 წლიდან დღემდე ზაალ მიქელაძე ხელმძღვანელობდა საყოველთაო ჯანდაცვის პროგრამას აჭარაში.

ჰყავს მეუღლე და ორი შვილი.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვმა 9 მაისს კიევზე თავდასხმით დაიმუქრა და სხვა ქვეყნებს საელჩოების ევაკუაციისკენ მოუწოდა

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს