როგორც ვვარაუდობდით, მომავალი წლიდან ჩვენს მოქალაქეებს ევროკავშირის ქვეყნებში უვიზო მიმოსვლის საშუალება ექნებათ, - ამის შესახებ ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრმა, ვიქტორ დოლიძემ გადაცემა 2030-ში განაცხადა.

ვიქტორ დოლიძის თქმით, ევროპარლამენტსა და ევროკავშირის საბჭოს შორის შეჩერების მექანიზმის კომპრომისულ ვარიანტზე შეთანხმება ძალიან მნიშვნელოვანი გადაწყვეტილებაა. 

„მიუხედავად იმისა, რომ მხოლოდ პროცედურული საკითხები იყო დარჩენილი, ევროპარლამენტსა და ევროკავშირის საბჭოს შორის შეჩერების მექანიზმის კომპრომისულ ვარიანტზე შეთანხმება ძალიან მნიშვნელოვანი გადაწყვეტილებაა. ეს საკითხი პოლიტიკური მღელვარების საგნად იქცა როგორც საქართველოში, ასევე ევროპულ ინსტიტუტებში. ის განცხადებები და მიმართვები, რაც ევროკომისარმა და ნატო-ს ყოფილმა გენერალურმა მდივანმა ბოლო დროს გააკეთეს, შემთხვევითი არ ყოფილა. ასევე, ცალსახაა, რომ საქართველოს პრემიერისა და ქართული დელეგაციის ბრიუსელში ვიზიტმა სერიოზული ძვრები გამოიწვია“, - განაცხადა დოლიძემ.

მან აქვე დასძინა, რომ ევროპარლამენტსა და ევროკავშირის საბჭოს შენობაში ჩატარებულ ორმხრივ შეხვედრებზე არა მხოლოდ ვიზალიბერალიზაციის სამოქმედო გეგმა განიხილეს, არამედ საერთოდ, ასოცირების დღის წესრიგი.

„ეს იყო ბრიუსელში დიდი ქართული ტალღის დადებითად აგორება, რამაც ევროპარლამენტსა და ევროკომისიაში დადებითი შეჯანჯღარება გამოიწვია. დარწმუნებული ვარ, შეთანხმებას მალე ოფიციალურად მივიღებთ, რასაც იმედია, ევროპარლამენტში წლის ბოლომდე საქართველოსთან უვიზო მიმოსვლის საკითხის კენჭისყრა მოჰყვება. როგორც ვვარაუდობდით, მომავალი წლიდან ჩვენს მოქალაქეებს ევროკავშირის ქვეყნებში უვიზო მიმოსვლის საშუალება ექნებათ“, - განაცხადა ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის