შინაგან საქმეთა მინისტრის, გიორგი მღებრიშვილის ინიციატივით, შს მინისტრის ორი მოადგილის საშტატო ერთეული გაუქმდა.

როგორც „ექსპრესნიუსს“ შსს-ში განუცხადეს, შტატების გაუქმება საბიუჯეტო თანხების დაზოგვის მიზნით მოხდა.

„შინაგან საქმეთა მინისტრის, გიორგი მღებრიშვილის ინიციატივითა და საქართველოს მთავრობის 2016 წლის N 524 დადგენილების  საფუძველზე, საბიუჯეტო თანხების დაზოგვის მიზნით, გაუქმდა შს მინისტრის 2 მოადგილის საშტატო ერთეული“, - აცხადებენ უწყებაში.

ცვლილება „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის დადგენილების მე-6 მუხლში ცვლილება დღეიდან შევიდა. ცვლილების თანახმად, შინაგან საქმეთა მინისტრს პირველ მოადგილესთან ერთად, ხუთის ნაცვლად, სამი მოადგილე ეყოლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს