ესპანეთის პოლიციამ ბინების ძარცვაში ეჭვმიტანილი საქართველოს 50-მდე მოქალაქე დააკავა. ამის შესახე ინფორმაციას "დოიჩე ველე" ავრცელებს.

მათი ინფორმაციით, მასშტაბური სპეცოპერაცია ჩატარდა მადრიდში, ბარსელონაში, სევილიასა და ესპანეთის ჩრდილოეთ ნაწილში მდებარე დასახლება ბარაკალდოში.

საქართველოს მოქალაქეებს ასობით ბინის ძარცვაში ადანაშაულებენ. 

გავრცელებული ინფორმაციით, დაკავებულია ასევე ესპანეთის რამდენიმე მოქალაქე, რომლებიც გამოძიების ინფორმაციით, მძარცველებს მოპარული ძვირფასეულობების გაყიდვაში ეხმარებოდნენ. დაკავებულებს ძარცვის გამო შესაძლოა, ბრალი წაუყენონ დანაშაულებრივი დაჯგუფების წევრობისა და დანაშაულებრივი გზით მიღებული ფულის გათეთრების მუხლით.

ზოგიერთ მათგანს შესაძლოა, ბრალი დაუმძიმდეს იარაღის უკანონო შენახვისა და ნარკოტიკის შენახვისთვის, ასევე საბუთების გაყალბებისთვის.

"დოიჩე ველეს" ინფორმაციით, საერთაშორისო ძებნა გამოცხადდა საქართველოს მოქალაქე სპარტაკ ჯაფარიძეზე. ესპანეთის პოლიცია მას ე.წ კანონიერ ქურდად მიიჩნევს და დანაშაულებრივი დაჯგუფების ლიდერად განიხილავს. ესპანელი სამართალდამცველები ვარაუდობენ, რომ ის იტალიაში იმყოფება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს