2016-11-28 14:00:42, 1781 ნახვა
სამართალი
შოთაძე: ე.წ კასრების საქმეზე პროცესში ჩარტული ყველა საჯარო მოხელე პასუხისგებაშია მიცემული
ე.წ. კასრების საქმეზე ყველა ყოფილი თანამდებობის პირი, საჯარო მოხელე, ვინც ჩართული იყო კონკრეტული პირების მიმართ წამებისა და სქესობრივი ხასიათის ძალმომრეობის მოქმედების ჩადენაში, პასუხისგებაშია მიცემული, - ამის შესახებ მთავარმა პროკურორმა ირაკლი შოთაძემ ჟურნალისტებს განუცხადა.
როგორც შოთაძემ აღნიშნა, საქმის არსებითი განხილვა სასამართლოში მიმდინარეობს.
„რაც შეეხება მეორე ნაწილს, ამ საქმეზე მიმდინარეობს გამოძიება, რომელსაც აწარმოებს სახელმწიფო უსაფრთხოების სამსახური. მას შემდეგ რაც დადგინდება და იქნება შესაბამისი მტკიცებულებები, მიღებული იქნება შესაბამისი გადაწყვეტილებები“,- განაცხადა შოთაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
