აშშ-ის არჩეული პრეზიდენტი დონალდ ტრამპი გადამდგარი გენერალის დევიდ პეტრეუსის კანდიდატურას აშშ-ის თავდაცვის მინისტრის პოსტზე განიხილავს, - ამის შესახებ Wall Street Journal-ი წყაროზე დაყრდნობით იუწყება.  

მედია საშუალების ცნობით, აშშ-ის ცენტრალური სადაზვერვო სამმართველოს დირექტორი, დევიდ პეტრეუსი თანამდებობიდან ქორწინების გარეშე კავშირის გამო 2012 წელს გადადგა.

დასავლური მედიის ინფორმაციით, პეტრეუსმა ეს გადაწყვეტილება არა საკუთარი ინიციატივით, არამედ მას შემდეგ მიიღო, რაც მისი ქორწინების გარეშე კავშირი გამოძიების ფედერალური ბიუროსთვის გახდა ცნობილი. მას შემდეგ რაც შეიტყვეს იმის შესახებ, რომ პეტრეუსს საყვარელი ჰყავდა, მოხდა მისი ელექტრონული მიმოწერის მონიტორინგი. 

ცნობისთვის, დონალდ ტრამპმა აშშ-ის გადამდგარ გენერალ-ლეიტენანტს მაიკლ ფლინს, ეროვნული უსაფრთხოების საკითხებში მრჩევლის თანამდებობა შესთავაზა. გენერალ-ლეიტენანტი საარჩევნო კამპანიის დროს დონალდ ტრამპის მრჩეველი იყო. ჯერჯერობით უცნობია, დათანხმდა თუ არა ფლინი დონალდ ტრამპის შეთავაზებას.

ამასთან, დოლარდ ტრამპმა  გენერალური პროკურორის თანამდებობა სენატორ ჯეფ სეშენსს შესთავაზა.გარდა ამისა, ტრამპს წარმომადგენელთა პალატის წევრის მაიკ პომპეოს  ცენტრალური სადაზვერვო სააგენტოს დირექტორად დანიშვნა სურს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი