2016-11-18 14:36:54, 763 ნახვა
პოლიტიკა
მთავრობას უფლებამოსილება შეუწყდა
საქართველოს მთავრობას დროებით უფლებამოსილების შესრულება დაეკისრა.
საქართველოს პრეზიდენტმა გიორგი მარგველაშვილმა განკარგულებას „საქართველოს მთავრობისათვის მოვალეობის დაკისრების შესახებ“ ხელი დღეს მოაწერა.
როგორც პრეზიდენტის განკარგულებაშია აღნიშნული, საქართველოს კონსტიტუციის მე-80 მუხლის პირველი პუნქტის შესაბამისად, საქართველოს მთავრობას დაეკისრა მოვალეობის შესრულება მთავრობის ახალი შემადგენლობის შექმნამდე.
პარლამენტი ახალი მთავრობის ფორმირებასთან დაკავშირებულ შესაბამის პროცედურებს სავარაუდოდ, მომავალი კვირიდან დაიწყებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
