დემოკრატების კანდიდატმა ჰილარი კლინტონმა იმედი გამოთქვა, რომ დონალდ ტრამპი "ყველა ამერიკელის პრეზიდენტი" იქნება.

როგორც კლინტონმა სიტყვით გამოსვლისას განაცხადა, მან ახლადარჩეულ პრეზიდენტს გამარჯვება მიულოცა და მომავალში თანამშრომლობა შესთავაზა. 

"იმედი მაქვს, რომ ის მართლა იქნება ყველა ამერიკელის პრეზიდენტი. მე მას თანამშრომლობა შევთავაზე, ჩვენ უნდა მივიღოთ არჩევნების შედეგები. დონალდ ტრამპი იქნება ჩვენი პრეზიდენტი.  ვიცი, რამდენად იმედგაცრუებულად გრძნობთ თავს,.  მეც ასე ვარ. ეს მტკივნეულია და ეს ტკივილი დიდი ხანი გაგრძელდება. ჩვენი კამპანია არ ეხებოდა ერთ პიროვნებსა და ერთ არჩევნებს, ის ეხებოდა მთელ ქვეყანას, რომელიც გვიყვარს. მჯერა რომ ამერიკული ოცნება იარსებებს ყველასთვის და მომავალში არაფერი შეიცვლება", - განაცხადა კლინტონმა.

დემოკრატი კანდიდატის განცხადებით, ქვეყნის განვითარებისთვის მისი პარტია მუშაობას გააგრძელებს.

"ჩვენი პასუხისმგებლობაა, ქვეყნის განვითარებისთვის მუშაობა გავაგრძელოთ. ჩემთვის ძალიან დიდი პატივია აქ თქვენ წინაშე ვიდგე და მადლიერება გამოვხატო. მადლობას ვუხდი ბარაქ და მიშელ ობამებს, მათი მხარდაჭერისთვის, ასევე, მადლობას ვუხდი ჩემი ოჯახის წევრებს და რა თქმა უნდა ქვეყნის მასშტაბით ყველა მხარდამჭერს, რომლებიც საარჩევნო კამპაანის დროს ჩემ გვერდით იყვნენ. ასევე, მინდა მადლობა გადავუხადო ყველა იმ ადამიანს, რომელმაც ჩემს საარჩევნო კამპანიაში მიიღო მონაწილეობა, მინდა გითხრათ, რომ ეს საუკუთესო საარჩევნო კამპანია იყო, რომლითაც მე ვვამაყობ", - აღნიშნა ჰილარი კლინტონმა.

სიტყვით გამოსვლისას პრეზიდენტობის კანდიდატმა ახალგაზრდებს მიმართა და აღნიშნა, რომ მათ ბრძოლის უნარი არასდროს არ უნდა დაკარგონ.

"მინდა მივმართო ახალგაზრდებს, მთელი ცხოვრება ვიბრძოდი იმისთვის, რისიც მჯეროდა. მქონდა, როგორც აღმავლობა, ისე დაცემაც, მაგრამ მე მაინც ვიბრძოდი და ბრძოლას გავაგრძელებ. ამიტომ, ვინც ახლა იწყებთ ცხოვრებას, გირჩევთ, რომ იბრძლოთ და არასდროს დანებდეთ. ასევე, მინდა მივმართო ქალებს, რომლებსაც ჩემი სჯეროდაც. თქვენ ხართ ჩემპიონები და პრეზიდენტის პოსტს, ოდესმე ქალი აუცილებლად დაიკავებს. იმედი მაქვს, რომ ეს მალე მოხდება. არასდროს ინანოთ და ყველა შესაძლებლობა გამოიყენეთ", - განაცხადა კლინტონმა.

მანვე დასძინა, რომ საუკეთესო დღეები ამერიკას წინ აქვს და ქვეყანა უფრო ძლიერია მაშინ, როდესაც ერთიანია. 

"გვჯეროდეს ერთმანეთის, მადლობას გიხდით, რომ მხარს მიჭერდით და მომეცით საშუალება, რომ თქვენი წარმომადგენელი ვყოფილიყავი, ღმერთმა დალოცოს ამერიკა!", - დასძინა კლინტონმა.

ცნობისთვის, ბოლო მონაცემებით, „რესპუბლიკელმა“ კანდიდატმა დონალდ ტრამპმა ამომრჩეველთა კოლეგიის 289 ხმა დააგროვა, ჰილარი კლინტონს კი, 218 ხმა აქვს. გამარჯვებისთვის 270 ხმის მიღება იყო საჭირო.

რაც შეეხება ამომრჩეველთა ხმების რაოდენობას, წინასწარი შედეგებით, ჰილარი კლინტონს მხარს 59,182,659 ამერიკელი ამომრჩეველი უჭერს (47.6%), მაშინ როდესაც მის ოპონენტს, "რესპუბლიკელ“ კანდიდატ დონალდ ტრამპს 59,044, 897 ხმა აქვს (47.5%).

საბოლოო გადაწყვეტილებას ამომრჩეველთა კოლეგია მიიღებს, რომელიც შედეგებს 6 იანვარს გამოაცხადებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი