დონალდ ტუსკი და ჟან-კლოდ იუნკერი დონალდ ტრამპს აშშ-ის საპრეზიდენტო არჩევნებში გამარჯვებას ულოცავენ და ერთობლივ წერილს აქვეყნებენ.

როგორც წერილშია ნათქვამი, ევროკავშირსა და აშშ-ის შორის სტრატეგიული პარტნიორობა ფართო და ღრმაა.

ტუსკისა და იუნკერის თქმით, ევროკაშირსა და აშშ-ის შორის კავშირები უფრო ძლიერი და გამძლე უნდა გახდეს.

“ევროკავშირსა და აშშ-ს შორის სტრატეგიული პარტნიორობა ემყარება თავისუფლების, ადამიანის უფლებების, დემოკრატიისა და საბაზრო ეკონომიკის ჩვენს საერთო ღორებულებებს. წლების განმავლობაში ევროკავშირი და აშშ ერთად მუშაობდნენ  ჩვენი მოქალაქეებისა და მსოფლიოს ხალხისთვის მშვიდობისა და კეთილდღეობის უზრუნველსაყოფად. დღეს, როგორც არასდროს მნიშვნელოვანია ტრანსსატლანტიკური ურთიერთობების გაძლიერება. მხოლოდ მჭიდრო თანამშრომლობით ევროკავშირსა და აშშ-ს შეუძლიათ გამკლავება ისეთ უპრეცედენტო გამოწვევებთან, როგორიცაა დაეში, უკრაინის სუვერენიტეტისა და ტერიტორიული მთლიანობის  წინაშე არსებული საფრთხე, კლიმატური ცვლილება და მიგრაცია. საბედნიეროდ, ევროკავშირსა და აშშ-ის შორის სტრატეგიული პარტნიორობა ფართო და ღრმაა: ენერგოუსაფრთხოების გაძლიერებისთის, კლიმატურ ცვლილებებზე რეაგირებისთვის, ევროპის აღმოსავლეთ და სამხრეთ სამეზობლოს წინაშე არსებულ საფრთხეებთან გასამკლავებად, ტრასატლანტიკური ვაჭრობისა და ინვესტიციის პარტნიორობის მოლაპარაკებებისთვის, ჩვენ ძალისხმევა არ უნდა დავიშუროთ, რომ ჩვენი კავშირები ძლიერი და გამძლე იყოს", - ნათქვამია ევროკავშირის საბჭოსა და ევროკომისიის პრეზიდენტების განცხადებაში.

ევროკავშირის ლიდერებმა დონალდ ტრამპი ევროპაში აშშ-ევროკავშირის სამიტზე მომავალი ოთხი წლის ურთიერთობებზე სასაუბროდ მოიწვიეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი