თურქეთის პროქურთული ოპოზიციური “სახალხო დემოკრატიული პარტიის” დეპუტატებმა პარლამენტის სხდომებს ბოიკოტი გამოუცხადეს და ფრაქციის 9 დეპუტატის დაკავება გააპროტესტეს, - ამის შესახებ ადგილობრივი მედია იუწყება.

როგორც მედია საშუალება წერს, დაკავებულთა შორის პარტიის ლიდერი, სელაჰტინ დემირთაშია.

ოპოზიციური პარტიის წარმომადგენლების განცხადებით, ისინი საკანონმდებლო ორგანოს სხდომებსა და საპარლამენტო კომისიების მუშაობაში მონაწილეობას აღარ მიიღებენ.

ცნობისთვის, ქვეყნის პროკურატურა 9 დეპუტატს "ქურთისტანის მუშათა პარტიის" საქმიანობის ხელშეწყობასა და ამბოხის წაქეზებაში ადანაშაულებს. აღნიშნულ საქმესთან დაკავშირებით გამოძიება პარტიის პრაქტიკულად ყველა წევრის წინააღმდეგ მიმდინარეობს.

ამავე დროს, თურქეთის პრეზიდენტმა ევროპა ტერორიზმის მფარველობასა და ქურთი მებრძოლების მხარდაჭერაში დაადანაშაულა.

აღნიშნული განცხადება რეჯეპ ტაიპ ერდოღანმა მას შემდეგ გააკეთა, რაც დასავლეთმა ანკარა “სახალხო დემოკრატიული პარტიის” ლიდერის დაკავების გამო მწვავედ გააკრიტიკა.

ერდოღანის თქმით, მას არ ადარდებს ის ფაქტი, რომ დიქტატორს უწოდებენ. მისივე განმარტებით, თურქეთის სასამართლო სისტემა დამოუკიდებელია, თუმცა იქვე აღნიშნა, რომ დაკავებული დეპუტატები სასამართლოს წინაშე ისე უნდა წარდგენენ, როგორც ტერორისტები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი