ჩავუშოღლუ: თუ ევროკავშირი უვიზო რეჟიმს არ დააწესებს, ანკარა მიგრაციულ შეთანხმებას გააუქმებს

2016-11-03 17:24:48, 2178 ნახვა

მსოფლიო

თუ ევროკავშირი უახლოეს დღეებში თურქეთისთის სავიზო რეჟიმის გაუქმებაზე გადაწყვეტილებას არ მიიღებს, ოფიციალური ანკარა მიმდინარე წლის ბოლომდე მიგრაციულ შეთანხმებას გააუქმებს, - ამის შესახებ თურქეთის საგარეო საქმეთა მინისტრმა მევლუთ ჩაუშოღლუმ გაზეთ Neue Zürcher Zeitung-თან ინტერვიუში განაცხადა.

როგორც მინისტრმა აღნიშნა, პასუხს უახლოეს დრეებში ელოდებიან.

“ჩვენი მოთმინება იწურება. ჩვენ პასუხს უახლოეს დღეებში ველოდებით. თუ ის არ იქნება, ჩვენ შეთანხმებას გავაუქმებთ”, - განაცახდა ჩავუშოღლუმ.

ცნობისთვის, მარტში გაფორმებული მიგრაციული შეთანხმება საბერძნეთში არალეგალურად ჩასული მიგრანტების თურქეთში დაბრუნებას ითვალისწინებს. თავის მხრივ, ევროკავშირმა თითო დაბრუნებული არალეგალური მიგრანტის სანაცვლოდ, თურქეთიდან ერთი სირიელი ლტოლვილი ლეგალურად უნდა მიიღოს. ბრიუსელი ანკარას ასევე 6 მილიარდი ევროს ოდენობის დახმარებას დაპირდა.

ამასთან, აღნიშნული შეთანხმების ფარგლებში, ევროკავშირმა თურქეთის მოქალაქეებისთვის სავიზო რეჟიმის გაუქმების პირობა დადო, თუ ანკარა ვიზალიბერალიზაციის სამოქმედო გეგმას შეასრულებს. თუმცა თურქეთს რამდენიმე მოთხოვნა შესასრულებელი დარჩა, კერძოდ ანტიტერორისტული კანონმდებლობის შეცვლა, რაზეც ანკარა კატეგორიულ უარს აცხადებს. ამის გამო მაისში ევროპარლამენტმა თურქეთისთვის უვიზო რეჟიმის დაწესების საკითხზე კონსულტაციების დაწყებაზე უარი განაცხადა.