25 წელზე მეტია,  ვარ „რესპუბლიკურ პარტიაში”,  ამ პარტიის აქტიური წევრი ვარ 2005 წლიდან, ამ ხნის განმავლობაში არასოდეს არ გვიჩხუბია მე და დათო ბერძენიშვილს ან ლევან ბერძენიშვილს, - ამის შესახებ საქართველოს პარლამენტის მოქმედმა თავმჯდომარემ, დავით უსუფაშვილმა ტელეკომპანია „პირველის“ ეთერში განაცხადა.

უსუფაშვილის თქმით, ბერძენიშვილებთან ურთეირთობაში არასოდეს არ გადაულახავთ ის ზღვარი, რაც არის ნორმალური დებატებისა და დისკუსიებისთვის.

მანვე აღნიშნა, რომ ეს ურთიერთობები მისთვის მნიშვნელოვანია და პარტიიდან წასვლის გადაწყვეტილების მიღებისას სწორედ ამ თემებს და ამ საკითხებს უფრთხილდებოდა.

„მე ვარ ამაყი, რომ ვიყავი „რესპუბლიკური პარტიის“ წევრი საქართველოსთვის ძალიან მძიმე და ძალიან მნიშვნელოვანი 25 წლის განმავლობაში. „რესპუბლიკურ პარტიასთან“ ერთად, „რესპუბლიკური პარტიის“ დამფუძნებლებთან,  სხვა წევრებთან ერთად ვიყავი თანამონაწილე აქტიური საზოგადოებრივი პოლიტიკური თანაცხოვრების. ამითი ვიამაყებ სიცოცხლის ბოლომდე, რადგან ძალიან ღრმად მჯერა, რომ ამ ხნის განმავლობაში, თუ რომელიმე პოლიტიკურმა ჯგუფმა შეძლო, ღირსეულად ეტარებინა ის პასუხისმგებლობა, შეძლო, ყოფილიყო თავისი პრინციპების, ღირებულებების ერთგული, ეს იყო „რესპუბლიკური პარტია“. მინდა ვისურვო, რომ ეს პარტია გააგრძელებს საქმიანობას და დარჩება ქართული სახელმწიფოს ერთ-ერთ ფუნდამენტად“, - აღნიშნა უსუფაშვილმა.

ამასთან, უსუფაშვილმა განაცხადა, რომ არავითარ შემთხვევაში, არსად, არც დღეს, არც ხვალ, არც ზეგ არ ისაუბრებს იმ ნიუანსებსა და დეტალებზე, რომლებიც არის შიდაპარტიული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება