აჭარაში ხმის მიცემის პროცედურა დასრულდა. უსკო-ს ინფორმაციით, დახურულია 348-ვე უბანი და დაწყებულია ხმის დათვლა. დახურვისას ხელვაჩაურის ოლქში 28-ე, 29-ე და 36-ე უბნებზე გაითიშა ელექტროენერგია, რამდენიმე წუთით, თუმცა ელექტროენერგიის მიწოდება მალევე აღდგა, შესაბამისად პრობლემა არ შექმნილა.

უმაღლესი საარჩევნო კომისიის თავმჯდომარემ მედიის წარმომადგენლებს საინფორმაციო ბრიფინგზე ამომრჩეველთა აქტივობა გააცნო.

30 ოქტომბერს საკუთარი არჩევანი დააფიქსირა უბანზე მისულმა  114 202 ამომრჩეველმა, რაც ამომრჩეველთა საერთო რაოდენობის, ანუ 308 576-ის  37% პროცენტია. რაც 15 პროცენტით ნაკლებია 8 ოქტომბრის არჩევნებზე დაფიქსირებულ აქტივობასთან შედარებით. არჩევნების პირველ ტურში ამომრჩეველთა აქტივობა 52,97% იყო.

ამომრჩეველთა აქტივობა ოლქების მიხედვით ასე გამოიყურება:

ბათუმის N79 ოლქი (68,69,70) – 50 847 ამომრჩეველი, 31.98 %

ქობულეთის N71 მაჟორიტარული ოლქი- 20 117 ამომრჩეველი,   40.78 %

ხელვაჩაურის N72  მაჟორიტარული ოლქი- 18 320  ამომრჩეველი, 38 07%

ხულოს N73 მაჟორიტარული ოლქი (ხულო,ქედა,შუახევი)- 24 918 ამომრჩეველი, 47.79%

პარმენ ჯალაღონიამ დღის განმავლობაში დაფიქსირებულ დარღვევებზეც ისაუბრა. აჭარის მასშტაბით უბნებზე დაწერილია დაახლოებით 40 საჩივარი, ოლქებში კი 15. დარღვევები ძირითადად ადგილზევე აღმოიფხვრა, იყო პროცედურული ხასიათის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება