ჩვენს ხელთ არსებული ინფორმაციით ახალციხე-ადიგენის ოლქში მანქანით გადაადგილდებიან „ნაციონალური მოძრაობის“ ლიდერები გივი თარგამაძე და გოგა გაბაშვილი, - ამის შესახებ „ქართული ოცნების“ აღმასრულებელმა მდივანმა ირაკლი კობახიძემ ბრიფინგზე განაცხადა.

როგორც კობახიძემ აღნიშნა, „ნაციონალური მოძრაობის“ ლიდერები აქტივისტებს უბნების ჩაშლასთან დაკავშირებით გარკვეულ მითითებებს აძლევენ.

„ისინი მითითებებს აძლევენ თავიანთ აქტივისტებს უბნების ჩაშლასთან დაკავშირებით. ეს არის ჩვენს ხელთ არსებული ინფორმაცია. „ნაც.მოძრაობას" მოვუწოდებთ, რომ თავი შეიკავონ ასეთი ქმედებებისგან. ასეთი რამ არის კანონდარღვევა და არც ერთ შემთხვევაში არ დარჩება დაუსჯელი“, - განაცხადა კობახიძემ.

მმართველი პარტიის აღმასრულებელმა მდივანმა კიდევ ერთ ფაქტზე ისაუბრა, რომელიც რუსთავში #67-ე უბანზე მოხდა.

„მეორე კონკრეტული ფაქტი ეხება რუსთავში #67-ე უბანს, სადაც „ნაციონალური მოძრაობის“ წარმომადგენლების კონცენტრაცია შეინიშნება. არსებობს ეჭვი, ამ უბანზე პროვოკაციის მოწყობასთან დაკავშირებით. მხარდამჭერებს მოვუწოდებთ სიფრთხილე გამოიჩინონ“, - განაცხადა კობახიძემ.

მან კიდევ ერთხელ მოუწოდა მხარდამჭერებს აქტივობისკენ და აღნიშნა, რომ არჩევნები მშვიდ გარემოში მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება