უახლოესი 2-3 თვის განმავლობაში მექნება ინტენსიური დიალოგი ყველასთან ვინც არ დაღლილა დამოუკიდებელი, თავისუფალი, ევროპული, დემოკრატიული საქართველოს მშენებლობის პრობლემებით, - ამის შესახებ პარლამენტის თავმჯდომარემ დავით უსუფაშვილმა დღეს გამართულ ბრიფინგზე განაცხადა, სადაც გახდა ცნობილი, რომ მან "რესპუბლიკური პარტია" დატოვა.

როგორც უსუფაშვილმა აღნიშნა, 2020 წლის საპარლამენტო არჩევნებში უნდა გაიმარჯვოს სრულიად ახალმა პოლიტიკურმა პარტიამ.

"მექნება ინტენსიური დიალოგი ყველასთან ვინც არ დაღლილა დამოუკიდებელი, თავისუფალი, ევროპული, დემოკრატიული საქართველოს მშენებლობის პრობლემებით. ვინც მეტი შრომით და შემართებით არის მზად გავაგრძელოთ პოლიტიკური ბრძოლა, იმისთვის, რომ საქართველო დადგეს ფეხზე. ფაქტია ჩვენს ქვეყანაში სახელმწიფოებრიობას და ევროპულ კეთილდღეობას ვერ მოუტანენ პოლიტიკურ პარტიებად წოდებული, ვერც სახელმწიფოსთან შეზრდილი ბიუროკრატები ვერც საერთო პოლიტიკური ცოდვის გამო გაერთიანებული პოლიტიკური ჯგუფები.

2020 წლის საპარლამენტო არჩევნებში უნდა გაიმარჯვოს სრულიად ახალი ტიპის პოლიტიკურმა ძალამ, რომელსაც ექნება ქვეყნის მართვის სრულფასოვანი რესურსი და რომელსაც პოლიტიკურ, გენეტიკურ კოდში ექნება მრავალპარტიული, დემოკრატიული სახელმწიფოსთვის აუცილებელი ფუნდამენტური ღირებულებები. ეს იქნება ერთ-ერთი და არა ერთადერთი პარტია, ეს იქნება შეცვლადი და არა შეუცვლელი პარტია და შევძლებთ სამშობლოს ფეხზე დაყენებას", - განაცხადა უსუფაშვილმა.

ცნობისთვის, პარლამენტის თავდმჯდომარემ "რესპუბლიკური პარტია" დატოვა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება