ნატო-სა და რუსეთს შორის ცივი ომი არ არის, მაგრამ არც პარტნიორული ურთიერთობა არსებობს, რომლის დამყარებასაც რუსეთთან ცივი ომის დასრულების შემდეგ ვცდილობდით, - ამის შესახებ ნატო-ს გენერალურმა მდივანმა იენს სტოლტენბერგმა BBC-სთვის მიცემულ ინტერვიუში განაცხადა.

როგორც სტოლტენბერგმა აღნიშნა, მსოფლიო ხედავს ხისტ რუსეთს, რომელმაც ახალ და თანამედროვე თავდაცვით საშუალებებში დიდი ინვესტიციები ჩადო.

„ჩვენ ვერ ვხედავთ გარდაუვალ საფრთხეს ნატო-ს რომელიმე წევრი ქვეყნისთვის, მაგრამ ჩვენ ვხედავთ უფრო ხისტ რუსეთს, რომელმაც ახალ და თანამედროვე თავდაცვით საშუალებებში დიდი ინვესტიციები ჩადო, ატარებს მრავალრიცხოვან მანევრებს, მათ შორის ისეთებს, რომლის შესახებ წინასწარ არ გვაცნობებს. ეს არსებითად ამცირებს გამჭვირვალობას და სიტუაციის პროგნოზირებადობას ევროპაში. მაგალითად, რუსეთმა გამოიყენა ასეთი მანევრები ყირიმის ანექსიისთვის“, - განაცხადა სტოლტენბერგმა. 

მედია საშუალებამ ყურადღება გაამახვილა იმაზე, რომ ნატო აღმოსავლეთ ევროპასა და ბალტიისპირეთის ქვეყნებში დამატებითი კონტინგენტის განლაგებას აპირებს, რაც რუსეთის საზღვართან კონტინგენტის ყველაზე დიდი კონცენტრაცია იქნება, რომელიც 4 ათას სამხედროს მოიცავს.

„ჩვენ ამას ვაკეთებთ მკაფიო სიგნალის გასაგზავნად, რომ ნატო უზრუნველყოფს შეკავებისა და თავდაცვისთვის საჭირო საშუალებებს. ამას ვაკეთებთ არა კონფლიქტის პროვოცირებისთვის, არამედ მისი აღკვეთისთვის. ვხვდებით, რომ სანამ პოტენციურ მოწინააღმდეგეს ეცოდინება, რომ ალიანსის ერთ წევრზე თავდასხმა მთელი ალიანსის პასუხს გამოიწვევს, ამით შეგვიძლია მშვიდობის შენარჩუნება და ნატო-ს რომელიმე წევრზე თავდასხმის აღკვეთა“, - აღნიშნა სტოლტენბერგმა.

როგორც სტოლტენბერგმა განაცხადა, რუსეთი არის ქვეყანა რომელიც მზად არის გამოიყენოს სამხედრო ძალა საკუთარი მეზობლების წინააღმდეგ.

"რუსეთს აქვს ბირთვული იარაღი და იყენებს ბირთვულ რიტორიკას სხვა ევროპული ქვეყნების დასაშინებლად.ამასთან, რუსეთმა თავდაცვის გაუმჯობესებაზე 3-ჯერ მეტი თანხა დახარჯა. ჩვენ ამას სერიოზულად აღვიქვამთ. ამიტომ, ნატო ადაპტაციას ახდენს და ცდილობს მოახდინოს რეაგირება თავდაცვითი ზომების მიღებით. ჩვენ არ ვეძებთ კონფრონტაციას რუსეთთან. ჩვენ ბირთვული ომი არ გვსურს. ჩვენ გავაგრძელებთ ძალისხმევას იმისთვის, რომ რუსეთთან უფრო კონსტრუქციული და პარტნიორული ურთიერთობები გვქონდეს, მაგრამ ამას ჩვენი კოლექტიური უსაფრთხოების დოქტრინის შესაბამისად უნდა ვაკეთებდეთ“, - განაცხადა სტოლტენბერგმა.

ნატო-ს გენერალური მდივნის თქმით, არ არსებობს არანაირი ეჭვი იმისა, რომ ევროატლანტიკური ალიანსი წევრ ქვეყნებს თავდაცვის გარეშე დატოვებს.

"ნატო-ს უსაფრთხოების გარანტიები არის უპირობო და აბსოლიტური. ეს კონფლიქტის პრევენციის საუკეთესო ხერხია", - განაცხადა სტოლტენბერგმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება