მოსულის გათავისუფლების ოპერაციის დაწყებიდან ერაყში "ისლამური სახელმწიფოს" ასობით ჯიჰადისტი მოკლეს, - ამის შესახებ ახლო აღმოსავლეთში აშშ-ის შეიარაღებული ძალების ცენტრალირი სამეტაურო შტაბის ხელმძღვანელმა, გენერალმა ჯოზეფ ვოტელმა განაცხადა. ინფორმაციას BBC ავრცელებს.  

ვოტელის მონაცემებით, ოპერაციის განმავლოაბში მოკლულია დაჯგუფების 800-900 მებრძოლი.

მისივე განცხადებიტთ, ერაყის ძალებს მოსულზე წერტილოვანი დარტყმების განხორციელება უჭირდათ, რადგან მებრძოლები მუდმივად გადაადგილდებოდნენ და მშვიდობიან მოსახლეობას ცოცხალ ფარად იყენებდნენ.

დაუზუსტებელი მონაცემებით, ქალაქში შესაძლოა 5 000-მდე ჯიჰადისტი იმყოფებოდეს.

ცნობისთვის, მოსულის შტურმი ერაყის შეიარაღებულმა ძალებმა და ქურთმა მებრძოლებმა 17 ოქტომბერს დაიწყეს. მათ საჰაერო მხარდაჭერას აშშ-ის ხელმძღვანელობით მოქმედი საერთაშორისო ავიაცია უწევს.

სამხედრო მაღალჩინოსნები ვარაუდობენ, რომ მოსულის გათავისუფლების ოპერაცია რამდენიმე კვირა, შესაძლოა, თვეებიც გაგრძელდეს. ოპერაციაში ერაყის არმიის 50 ათასი სამხედრო მონაწილეობს, ასევე ფეშმერგას რაზმების ქურთი მებრძოლები და შიიტი მოხალისეების რაზმები. ოპერაციაში ასობით ამერიკელი ჯარისკაცი, სამხედრო მრჩეველი და საჰაერო ძალებია ჩართული.

ერაყის ხელისუფლების ინფორმაციით, ერაყის შეიარაღებულმა ძალებმა 57 სამხედრო დაკარგეს, 250 კი დაშავდა. ფეშმერგას მებრძოლებს შორის მოკლულია 30-მდე ადამიანი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება