„დარწმუნებული ვარ, თავდაცვის მინისტრი არა თუ არ შეუშლის ხელს გამოძიებას, არამედ ყველაფერი გაკეთდება იმისთვის, რომ გამოძიებამ რეალური სურათი მიიღოს“, - ასე გამოეხმაურა საპარლამენტო უმრავლესობის წევრი ეკა ბესელია სამხედრო ცენტრ „კრწანისში“ მომხდარ ინციდენტს.

ბესელიამ გარდაცვლილის ოჯახს მიუსამძიმრა და აღნიშნა, რომ გამოძიების მიმდინარეობის დროს საჭიროა მეტი თავშეკავება და სიფრთხილე.

„გარდაიცვალა ადამიანი და ეს არის ძალიან სამწუხარო ფაქტი. ბუნებრივია, რაც მოხდა ყველასთვის ემოციურად მძიმეა. მეორეს მხრივ, საჭიროა სიფრთხილე და თავშეკავება, რომ ვაცადოთ გამოძიებას. რეალურად ის უკვე მიმდინარეობს და ვნახოთ ობიექტური გამოძიების შედეგები. დარწმუნებული ვარ, რომ თავდაცვის მინისტრი არა თუ არ შეუშლის ხელს გამოძიებას, არამედ ყველაფერი გაკეთდება იმისთვის, რომ გამოძიებამ სრული სურათი მიიღოს. ვნახოთ რა მოხდა სინამდვილეში, არ დარჩება არც ერთი კითხვა, რომელზედაც შეიძლება რაიმე პასუხი არ იყოს. ვიმეორებ, ძალიან მნიშვნელოვანია ამ ეტაპზე მეტი თავშეკავება და სიფრთხილე“, - აღნიშნა ბესელიამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება