საერთო-სამოქალაქო მოძრაობა „მრავალეროვანი საქართველო“  #36 მარნეულის საარჩევნო ოლქის #48 საარჩევნო უბანზე საპარლამენტო არჩევნების განმეორებითი კენჭისყრის პროცესს აკვირდება.

ორგანიზაციის ინფორმაციით, კენჭისყრის მიმდინარეობის პროცესში „მრავალეროვანი საქართველოს“ მოკლევადიანი დამკვირვებლის მიერ მარნეულის #36 მაჟორიტარული საარჩევნო ოლქის 48-ე საარჩევნო უბანზე გამოვლენილი იქნა შემდეგი ხასიათის პროცედურული დარღვევა: კომისიის თავმჯდომარემ ჩაატარა ფუნქციების გადასანაწილებელი წილისყრა, რომლის ჩატარებაც მოუწია 3 ჯერ, რაც განპირობებული იყო იმით, რომ უბნის გახსნისას პირველ რიგში ჩანაწერთა წიგნში არ მოხდა უფლებამოსლი პირების, მათშორის კომისიის წერვრების რეგისტრაცია. ყოველივე ზემოაღნიშნულიდან გამომდინარე 08:05 საათისთვის მიმდინარეობდა ჩანაწერთა წიგნში უფლებამოსილ პირთა რეგისტრაცია, რის გამოც სარჩევნო უბანზე კენჭისყრის პროცესი დაიწყო 8:15 საათზე .

12 საათისთვის დაფიქსირდა 306 ამომრჩეველი. სერიოზული დარღვევა, რომელიც გავლენას მოახდენს შედეგებზე, ამ დროისთვის არ დაფიქსირებულა.

„განმეორებითი არჩევნების სამონიგორინგო პროგრამის ხელშეწყობის მიზნით „მრავალეროვანი საქართველოს“ ცენტრალური ოფისი მუდმივ რეჟიმში იღებს ინფორმაციას საარჩევნო უბანზე მივლინებული მოკლევადიანი დამკვირვებლისაგან. გარდა აღნიშნულისა, ორგანიზაციის ცენტრალურ ოფისში მოქმედებს ცხელი ხაზი, რითაც ნებისმიერ მსურველს შეუძლია ისარგებლოს და სადამკვირვებლო პროგრამას მიაწოდოს მის ხელთ არსებული საარჩევნო ხასიათის ინფორმაცია.  სადამკვირვებლო პროგრამას სამართლებრივ მხარდაჭერას უწევს ორგანიზაციის იურისტი. “მრავალეროვანი საქართველო” 2003 წლიდან აქტიურად არის ჩართული ქვეყანაში არჩევნების გამჭვირვალობის ხელშეწყობისა და საარჩევნო პროცედურების ეფექტიანად რეალიზების პროცესში. ორგანიზაცია მონიტორინგს უწევდა საქართველოში გამართულ ყველა არჩევნებს, მათ შორის, აჭარასა და ე.წ. სამხრეთ ოსეთის რეგიონში“, - ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასულიერო აკადემიამ მეუფე იობის განათლება დაადასტურა

Facebook-პოსტის გამო აქტივისტი ია მელითაური 2500 ლარით დააჯარიმეს

აქციაზე გზის ე.წ გადაკეტვის გამო 3 პირს ადმინისტრაციული პატიმრობა შეეფარდა, ორი ფეისბუქში სტატუსის გამო დააჯარიმეს

ყაზახეთმა რუსეთიდან ელექტროენერგიის იმპორტის შეწყვეტის გადაწყვეტილება მიიღო